hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 307
Uppgávurnar hjá Innanríkismálaráðnum og Undirvísingarmálaráðnum
er at áseta neyvari reglur á økinum og at virka sum kærumyndugleiki.
Uppgávan hjá Sundhedsstyrelsen sambært fyriskipanini er at:
1) Geva ljósmøðrum góðkenning.
2) Geva teimum góðkenning, ið hava tikið líknandi útbúgving sum
ta donsku í útlondum.
3) Taka góðkenning frá ljósmøðrum og geva hana aftur sambært
reglunum í „lov om sundhedsvæsenets centralstyrelese,“ (sí
omanfyri).
4) Sundhedsstyrelsen skal almannakunngera allar góðkenningar og
afturtøkur av góðkenningum sum ljósmóðir.
5) Sundhedsstyrelsen skal áseta reglur um virkisøkið hjá ljósmøðrum.
6) Tá ið ljósmóðir vil gevast við sínum starvi, skal hon skrivliga upplýsa
Sundhedsstyrelsen um hetta, og Sundhedsstyrelsen almannakunnger
tað síðan.
7) Sundhedsstyrelsen hevur eftirlit við ljósmøðrunum sambært „lov
om sundhedsvæsenets centralstyrelse.”
Uppgávan hjá fútanum er, at um ljósmóðir gerst sek í grovari ella
endurtakandi misrøkt í starvi sínum, skal fútin átala hetta, og verður
ljósmóðirin tá revsað við bót ella hefti.
2. Lóggáva
Lógin ásetir reglur um, hvat krevst av ljósmøðrum og virksemi teirra
í Føroyum.
Økið er felagsmál, og lógin er tí sett í gildi við kongligari fyriskipan
í Føroyum, men er ikki dagførd síðani 1983, av tí at føroyska umsitingin
hevur ikki havt neyðuga arbeiðsorku til tess.
Um lóggávuna annars og samstarvsavtalu við donsku stjórnina, sí
inngangin til kapitlið. Tað, sum har stendur, er galdandi fyri allar
heilsuútbúgvingar.
3. Fíggjarlig ábyrgd
Málsøkið er felagsmál, tað merkir, at fíggjarliga ábyrgdin av málsøkinum
liggur í Danmark.
Um upplýsingar um fíggjarligar avleiðingar annars, sí inngangin til
kapitlið. Tað, sum har stendur, er galdandi fyri allar heilsuútbúgvingar.