hvítabók • fylgibind 2 fyrisiting - Løgmansskrivstovan

292 · Hvítabók – Fylgibind 2
Sjúklingatrygging
Lógin ásetir í høvuðsdráttum reglur um virksemið hjá Sundhedsstyrelsen,
Sundhedsvæsenets Patientklagenævn og Statens Seruminstitut.
Sundhedsstyrelsen, Sundhedsvæsenets Patientklagenævn og Statens
Seruminstitut hava umfatandi uppgávur sambært lógini. Neyðugt
verður við stórari umsiting á økinum, tí lógin setir stór krøv til eftirlit,
kanningar og kæruviðgerð. Mett verður, at hetta er neyðugt, fyri at
heilsuveitingarnar í samfelagnum skulu vera nøktandi og lúka altjóða
krøv.
Við heimild í lógini eru sett í gildi:
– Millumbroytingarlógir, sum eisini eru í gildi í Føroyum, eru: L. nr.
391 af 07.06.1989, L. nr. 369 af 06.06.1991 og L. nr. 494 af
30.06.1993.
– B. nr. 977 af 22.12.1986 om gebyrer for autorisation af visse
personalegrupper indenfor sundhedsvæsenet.
– B. nr. 662 af 14.09.1998 om forretningsorden for Sundhedsvæsenets
Patientklagenævn.
3. Fíggjarlig ábyrgd
Danir hava fíggjarligu ábyrgdina av økinum. Myndugleikarnir sambært
lógini eru allir danskir og danskt løntir.
Á donsku fíggjarlógini fyri 1999 fær Sundhedsstyrelsen eina
rakstrarjáttan á 127 mió. kr., Statens Seruminstitut fær 77,1 mió. kr.
og Sundhedsvæsenets Patientklagenævn 21,2 mió. kr.
Tað krevur eina gjølligari kanning at meta um, hvussu nógv tað
hevði kostað føroyingum, um økið kom undir føroyskt málsræði.
Anordning om ikrafttræden på Førøerne om patientforsikring.
1. Fyrisitingarligir myndugleikar og uppgávur
Landsstýrið hevur ikki tryggingarskyldu sambært lógini, men kann
kortini tekna trygging hjá einum tryggingarfelag, soleiðis sum gjørt
verður í løtuni. (Sjúkrahúsverkið teknar tryggingina).
Tey tryggingarfeløg, sum tekna tryggingar sambært lógini, skulu
gerast limir í donsku Patientforsikringsforeningen.
Klagur um skaðar, sum lógin fevnir um, verða sendar Patientforsikringsforeningen
til avgerðar.
Stýrið í felagnum tekur bert støðu til heildarmál. Í stakmálum tekur
avgreiðsludeildin avgerð. Millum teirra, sum starvast á avgreiðsludeildini,
eru 14 løgfrøðingar. Tá ið avgerð verður tikin, kann Patient-