hvítabók • fylgibind 2 fyrisiting - Løgmansskrivstovan

314 · Hvítabók – Fylgibind 2
Forsorgarlógin
Tað einasta, sum ikki er yvirtikið enn, er fíggjarliga ábyrgdin, sum
danski myndugleikin hevur sambært rammulógini. Fólkatingið hevur
tó við ríkislóg latið føroyska heimastýrinum útreiðsluskylduna á
nevndu økjum. Sum endurgjald fyri at rinda útreiðslurnar, fær heimastýrið
blokkstuðul.
Økið er tí felagsmál og verður ikki sermál, fyrr enn heimastýrið
eisini tekur við fíggjarligu ábyrgdini av økinum, ella formliga vil yvirtaka
málsøkið sum sermál.
Arbeiðið við at gera føroyskar løgtingslógir sambært rammulógini
er í gongd, og miðað verður ímóti at allar almannalógir skulu verða
lidnar í 1999.
Lb. nr. 100 af 02.03.1988 om offentlig forsorg, som senest ændret ved
Ll. nr. 177 frá 30.12.1997.
1. Fyrisitingarligir myndugleikar og uppgávur
Fyrisitingarligir myndugleikar eru Almannastovan og deildir hennara
í Klaksvík, á Tvøroyri og í Runavík, Tórshavnar býráð, kærunevndin í
almannamálum, ríkisumboðið og landsstýrismaðurin í almannamálum.
Uppgávan hjá Almannastovuni er at umsita ásetingarnar í forsorgarlógini
og hava eftirlit við teimum stovnum, sum forsorgarlógin
heimilar at seta á stovn. Talan kann vera um stovns- og aðrar fyriskipanir
fyri fólk, ið hava serligan tørv á stuðli, so sum røktar-, umlættingar-,
viðgerðar-, og bústovnar fyri brekað og eldri.
Økisdeildirnar hjá Almannastovuni í Klaksvík, Runavík og á Tvøroyri
umsita forsorgarlógina vegna Almannastovuna. Tórshavnar býráð
og Klaksvíkar kommuna umsita sjálvar ásetingarnar í forsorgarlógini,
tí hesar kommunur hava meir enn 2000 íbúgvar, og Almannastovan
umsitur forsorgarlógina fyri tær kommunur, ið hava minni enn 2000
íbúgvar.
Avgerðir hjá Almannastovuni kunnu innan 4 vikur verða kærdar
til kærunevndina í almannamálum. Ríkisumboðið umsitur sambært
forsorgarlógini uppihaldsloyvi til útlendingar.
Landsstýrismaðurin í almannamálum skal sambært forsorgarlógini
gera kunngerðir, reglugerðir o.a. uppfyllandi lógararbeiði.
2. Lóggáva
Málið við forsorgarlógini er at ráðgeva og leiðbeina í forsorgarligum
og persónligum spurningum og at upplýsa tí einstaka um rættindi og
skyldur eftir hesi lóg. Sambært lógini skal Almannastovan hjálpa fólki,