hvítabók • fylgibind 2 fyrisiting - Løgmansskrivstovan

306 · Hvítabók – Fylgibind 2
Ljósmøður
londum. Sundhedsstyrelsen kann taka og geva aftur góðkenning hjá
sjúkrasystrum. Er góðkenning afturtikin, verður hetta almannakunngjørt
av Sundhedsstyrelsen. Sundhedsstyrelsen hevur eftirlit við
sjúkrasystrunum sambært „lov om sundhedsvæsenets centralstyrelse.“
Skrivstovur, sum ávísa sjúkrasystrum arbeiði, eru eisini undir eftirliti
hjá Sundhedsstyrelsen, og Sundhedsstyrelsen skal góðkenna tær, áðrenn
tær sleppa til verka.
Danska Innanríkismálaráðið skipaði í 1996 eitt útbúgvingarráð fyri
heilsuverkið, og hetta ráðið er ráðgevandi fyri Innanríkismálaráðið og
Sundhedsstyrelsen í málum, sum viðvíkja sjúkrasystrum. Ráðið skal
virka fyri, at útbúgvingin hjá sjúkrasystrum altíð lýkur tey krøv, ið sett
verða. Ráðið kann eisini av sínum eintingum taka útbúgvingarspurningar
upp.
Uppgávan hjá fútanum er, at um sjúkrasystir gerst sek í grovari ella
endurtakandi misrøkt í starvi sínum, skal fútina átala hetta, og verður
sjúkrasystirin tá revsað við bót ella hefti.
2. Lóggáva
Lógin ásetir reglur um, hvat krevst av sjúkrasystrum og virksemi
teirra í Føroyum.
Økið er felagsmál, og lógin er tí sett í gildi við kongligari fyriskipan
í Føroyum, men er ikki dagførd síðani 1988, av tí at føroyska umsitingin
hevur ikki havt neyðuga arbeiðsorku til tess.
Um lóggávuna annars og samstarvsavtalu við donsku stjórnina, sí
inngangin til kapitlið. Tað, sum har stendur, er galdandi fyri allar
heilsuútbúgvingar.
Við heimild í lógini er sett í gildi:
– B. nr. 653 af 17.07.1992 for Færøerne om sygeplejerskeuddannelsen
3. Fíggjarlig ábyrgd
Málsøkið er felagsmál, tað merkir, at fíggjarliga ábyrgdin av málsøkinum
liggur í Danmark.
Um upplýsingar um fíggjarligar avleiðingar annars, sí inngangin til
kapitlið. Tað, sum har stendur, er galdandi fyri allar heilsuútbúgvingar.
A. nr. 10 af 07.01.1983 om jordemødre.
1. Fyrisitingarligir myndugleikar og uppgávur
Fyrisitingarligir myndugleikar sambært fyriskipanini eru Innanríkismálaráðið,
Undirvísingarmálaráðið, Sundhedsstyrelsen og fútin.