hvítabók • fylgibind 2 fyrisiting - Løgmansskrivstovan

280 · Hvítabók – Fylgibind 2
Uppgávurnar hjá innanríkisráðharranum, (nú heilsumálaráðharranum),
eru at áseta reglur um, at sjúkrahúsið, sum fremur fosturtøkuna,
heilt ella partvíst kann fáa útreiðslurnar í sambandi við fosturtøkuna
endurgoldnar av sjúkrahúsinum, sum hoyrir til økið, har
kvinnan býr.
Staturin kann geva kommunum, privatum feløgum og felagsskapum
fíggjarligan stuðul til at upplýsa fólk um gitnaðarfyribyrging. Tó
ber einans til at fáa helvtina av útreiðslunum til upplýsingararbeiðið
goldnar.
Uppgávan hjá løgmálaráðharranum er at áseta neyvari reglur um,
hvussu lógin verður útint.
2. Lóggáva
Henda lóg snýr seg í høvuðsdráttum um, í hvørjum førum ein kvinna
kann fáa fosturtøku, og hvussu hetta skal fara fram.
Lógin er sett í gildi í Føroyum við kongligari fyriskipan.
3. Fíggjarlig ábyrgd
Hetta økið er ikki yvirtikið, men stendur á lista A í heimastýrislógini.
Heilsumál kunnu verða yvirtikin, tá ið føroyingar vilja tað. Sum nú
er, er økið danskt, og danir hava umsitingarligu ábyrgdina.
Fyribyrgjandi heilsukanningar og hjálp í sambandi við barnsburð
A. nr. 643 af 09.12.1982 om ikrafttræden på Færøerne af lov om
svangerskabshygiejne og fødselshjælp, som senest ændret ved A. nr.
543 af 30.06.1993 (Eisini broytt við A. nr. 845 af 18.12.1987)
1. Fyrisitingarligir myndugleikar og uppgávur
Fyrisitingarligir myndugleikar eru landsstýrismaðurin í heilsumálum,
Almannastovan, Sundhedsstyrelsen, Statens Seruminstitut og heilsumálaráðharrin.
Uppgávan hjá landsstýrismanninum er at áseta neyvari reglur sambært
lógini, at geva kvinnum møguleika fyri ókeypis, fyribyrgjandi
heilsukanningum, meðan tær eru við barn, og barnsburðarhjálp.
Landsstýrismaðurin skal seta tær jarðarmøður og hjálparstarvsfólk,
sum eru neyðug fyri at halda skyldurnar sambært lógini, áseta neyvari
reglur fyri, um jarðarmøður, í samráði við landslæknan, skulu hava
skyldu til at virka aðrastaðir enn á sjúkrahúsi, geva tilboð um vegleiðing
frá lækna um gitnaðarfyribyrging og syrgja fyri, at fólk fær upplýsing
um hesa fyribyrging.
Uppgávan hjá Sundhedsstyrelsen er at gera neyvari leiðreglur fyri,
hvussu fyribyrgjandi heilsukanningarnar verða framdar sambært lógini.