hvítabók • fylgibind 2 fyrisiting - Løgmansskrivstovan

62 · Hvítabók – Fylgibind 2
fyri heimastýrisskipanina. Hetta merkir, at lógirnar, sum omanfyri eru
nevndar, verða settar úr gildi, og gjørd verða føroysk grundlóg og aðrar
stýrisskipanarreglur. Við hesum fyri eyga er sett ein grundlógarnevnd,
sum fer at seta undirnevnd at gera uppskot til føroyska rættarskipan.
Grundlógarnevndin eigur at viðgerða fyrisitingarligu krøvini
og fíggjarligu avleiðingarnar av, at málsøkið kemur undir føroyskt
málsræði. Undirnevndin, sum skal gera uppskot til føroyska rættarskipan,
eigur somuleiðis at viðgerða fyrisitingarligu krøvini og fíggjarligu
avleiðingarnar av, at rættarskipanin kemur undir føroyskt málsræði.
Málsøkið „revsing og fongsulsverk“ er felagsmál. Tað merkir, at talan
er um ríkislóggávu. Ríkismyndugleikarnir fíggja og umsita málsøkini.
Tá ið lógarbroytingar verða gjørda á økinum, verður heimastýrið
eftirspurt sambært heimastýrislógini § 7, og er tað Løgmansskrivstovan/løgdeildin,
ið umsitir tey praktisku viðurskiftini í hesum sambandi.
At málsøkið kemur undir føroyskt málsræði, krevur ikki lógarbroytingar.
Víst verður til 3.4, tá ið hugsað verður um fyrisitingarkrøv
og fíggjarkrøv, tá ið økið kemur undir føroyskt málsræði.
Málsøkið „hjúnalag, børn, løgræði, og millumtjóðaviðurskifti, sum
viðvíkja hjúnaløgum, børnum og løgræði“ er felagsmál. Ríkislóggáva
er sostatt galdandi á økinum, og ríkismyndugleikarnir umsita og fíggja
økið.
Tá ið lógir verða broyttar á økinum, verður heimastýrið eftirspurt
sambært § 7 í heimastýrislógini, og er tað Løgmansskrivstovan/løgdeildin,
ið umsitur tey praktisku viðurskiftini í hesum sambandi. At
málsøkið kemur undir føroyskt málsræði, krevur lógarbroytingar, serliga
á økjum, har avgerðir sambært lógunum kunnu verða kærdar til
myndugleikar í Danmark.
Sum er, nýta ríkismyndugleikarnir um leið fimm ársverk til at umsita
økið. Væntast kann, at sami tørvur verður á arbeiðsorku, eftir at
málsøkið er komið undir føroyskt málsræði. Víst verður í hesum sambandi
til 3.2.
Føroyingar hava ongar royndir av at umsita málsøkið. Tí má verða
hildið, at ríkismyndugleikarnir í eini skiftistíð upp á um leið eitt ár
mugu hjálpa til at umsita økið.
Á málsøkinum „skráir“ er føroysk skrásetingarlóggáva galdandi í yvirtiknum
málum, og hetta økið fíggja og umsita føroyskir myndugleikar.
Skráir hjá ríkismyndugleikum í Føroyum koma undir danska skrásetingarlóggávu,
ið er sett í gildi fyri ríkismyndugleikar í Føroyum. Tó