hvítabók • fylgibind 2 fyrisiting - Løgmansskrivstovan

1.3 Fígging
Løgmansskrivstovan · 47
í fyrsta umfari at verða varðveitt. Sum er, er tað danska direktoratið
fyri kriminalforsorg, sum ger reglur fyri, hvussu virksemið skal vera.
Dómsvaldið
Ongar niðurstøður verða gjørdar um dómsvaldið, tí alt málið verður
viðgjørt í undirbólki undir grundlógarnevndini.
Væntast kann, at á hesum økinum verður gjørd ein samstarvsavtala
í eini skiftistíð.
Torført er at gera ítøkiligar metingar um fíggjartørvin, tá ið málini,
sum nevnd eru omanfyri, koma undir føroyskt málsræði. Nógvir eru
hættirnir at skipa økini, og útreiðslutørvurin verður alt eftir, hvør
háttur verður valdur. Í metingunum er ikki lagt upp fyri munandi
umskipanum ella øðrum tiltøkum fram ímóti fullnýtslu, men eru
at kalla bara metingar av, hvat tað fer at kosta at fáa verandi donsku
skipanir at virka í føroyum. Mett verður um økini hvør sær. Roknað
er við, at eitt ársverk í fyrisitingini vanliga kostar 300.000 kr. í løn
og rakstri, og eitt ársverk í uttanríkistænastu o.tíl. kostar 500.000
kr.
Lógarpartur
Sum nevnt, verður tørvur á at umseta donsku rættarreglurnar til føroyskt,
og økið er rættiliga stórt.
At uttanlandsmál og lóggáva koma undir føroyskt málsræði hevur
við sær, at neyðugt verður at styrkja løgdeildina á altjóðarættarliga
økinum til at sita fyri yvirskipaðum uppgávum.
Væntandi verður tørvur á fýra ársverkum, og kostnaðurin verður
um 1, 2 mió. kr.
Uttanríkistænasta
Kostnaðurin fyri at reka eina fult útbygda uttanlandstænastu er býttur
sundur í trý, (sí kap. 3.1). Ein partur er uttanríkisdeildin, sum
verður mett at kosta 12 mió. kr. Átta av teim 12 mió. eru til heimastarvandi
starvsfólk, og 4 mió. kr. eru til umboðan og keyp av sertænastum
uttanlands. Hetta er ein eykakostnaður upp á 7 mió. kr. aftur
ímóti nú.
Fyri sendistovur og umboðsstovur verður roknað við einum eykakostnaði
upp á 28 mió. kr. Hetta er fyri sendistovu í Reykjavík, Oslo,
Keypmannahavn, London og Washington, og fyri umboðsstovu í
Brússel og New York.
Harumframt verður talan um ein árligan eykakostnað upp á 13