hvítabók • fylgibind 2 fyrisiting - Løgmansskrivstovan

Fíggjarmálastýrið · 113
ráðið, men ábyrgdina av rakstrinum hava nevnd og stjórn Tjóðbankans.
Donsk lóg um gullklausular
L. nr. 254 af 27.11.1936 om Guldklausuler.
Lóggáva: Lógin er um krøv, sum hava verið tryggjað við gulli ella
„gullkrónum.“ Lógin setir úr gildi krøvini um, at peningur og renta
verða tryggjað við gullvirðinum.
Lógin er sett í gildi við kunngerð í Lovtidende og er ikki serstøk
fyri Føroyar. Ábyrgdin av lóggávuarbeiðinum er ikki ásett í lógini.
Fyrisiting: Fyrisitingarmyndugleiki er ikki nevndur í lógini.
Fígging: Fíggjarliga ábyrgdin av lógararbeiði er donsk, men tað er ikki
staðfest í lógini, hvør ráðharri hevur ábyrgdina.
Donsk lóg um føroyskar peningaseðlar
8 – Hvítabók – Fylgibind 2
L. nr. 248 af 12.04.1949 om pengesedler m.v. på Færøerne.
– B. nr. 214 af 24.05.1950 vedrørende ombytning af danske og
færøske pengesedler i henhold til lov nr. 248 af 12. april 1949 om
pengesedler m.v. på Færøerne.
– B. nr. 146 af 04.05.1954 om indkaldelse af færøske pengesedler.
Lóggáva: Lógin ásetir virðið á føroysku krónuni, (1 føroysk kr. = 1
donsk kr.), og at føroyskir peningaseðlar eru fult svaraðir í donskum
krónum, sum standa á eini serligari konto í Tjóðbankanum. Lógin ásetir,
at føroyskir peningaseðlar ókeypis kunnu verða býttir um við danskar.
Lógin ásetir somuleiðis, at landskassin eigur part í Tjóðbankans
yvirskoti eftir lutfallinum millum føroyskar- og danskar peningaseðlar.
Lógin er sett í gildi við kunngerð í Lovtidende, eisini fyri Føroyar.
Forsætismálaráðið hevur eftir lógini ábyrgdina av lógararbeiðinum og
prinsipiellum avgerðum, men hevur latið Búskaparmálaráðnum
ábyrgdina upp í hendur.
Lóggávan fyri peningaverkið er donsk.
Lóggávan um danskar peningaseðlar er ásett í lógini um Tjóðbankan.
Fyrisiting: Føroyska peningaverkið hevur síðan í mars 1998 verið