hvítabók • fylgibind 2 fyrisiting - Løgmansskrivstovan

Peningahvítting
Fíggjarmálastýrið · 121
Lóggáva: Endamálið við lógini er at avmarka missin hjá privatum innsetarum,
sum hava pening á konto í peningastovni, sum fer á húsagang.
Missurin verður avmarkaður á tann hátt, at hesir innsetarar fáa
tryggjaðan fulnað fyri 300.000 kr., so teir sokallaðu smásparararnir
verða altíð tryggjaðir. Innskot á ávísum konti eru tó altíð fult tryggjað,
sama, hvussu stór upphæddin er. Hetta eru í høvuðsheitum lógarbundnar
konti og viðskiftakonti hjá sakførarum.
Tann stovnur, sum tryggjar alt hetta, er Innsetaratrygdargrunnurin.
Innsetaratrygdargrunnurin er sjálvsognarstovnur, sum er stovnsettur
og virkar sambært lóg.
Fyrisiting: Búskaparmálaráðharrin er ovasti fyrisitingarligi myndugleiki.
Danska fíggjareftirlitið er eftirlit.
Fígging: Grunnurin er danskur, og fíggjarliga ábyrgdin er donsk. Undantikið
lógararbeiðið, eru ikki almennar útreiðslur av grunninum, tí
allar útreiðslur til rakstur og endurgjald til innsetarar verða rindaðar
av peningastovnunum eftir fíggjarstøðu teirra.
Viðmerkingar: Lógin um innsetaratrygdargrunn hevur gildi fyri bæði
Føroyar og Danmark. Hon fevnir tí um allar peningastovnar í báðum
londum og virkar sum ein tryggingarskipan, har allir peningastovnarnir
gjalda til skipanina, sum rindar privatum innsetarum upp til
300.000 kr., um ein stovnur fer á heysin. Hetta letur seg ikki gera í
Føroyum einsamøllum við bara fýra peningastovnum. Tí eigur at
verða biðið um samstarv við danir, so føroysku peningastovnarnir
framhaldandi verða við í skipanini við somu rættindum og skyldum,
sum teir donsku.
L. nr. 348 af 09.06.1993 om forebyggende foranstaltninger mod
hvidvaskning af penge som sat i kraft ved A. nr. 766 af
03.10.1997
Lóggáva: Lógin áleggur persónum og fyritøkum á peningaøkinum,
herundir peningastovnum og tryggingarfeløgum at hava mannagongdir,
sum skulu tryggja, at peningur, sum er vunnin við broti á
revsilógina, ikki verður umskiftur, móttikin, fluttur e.tíl.
Fyrisiting: Økið liggur hjá danska búskaparmálaráðharranum, og lóg-