hvítabók • fylgibind 2 fyrisiting - Løgmansskrivstovan

272 · Hvítabók – Fylgibind 2
2. Lóggáva
Økið er felagsmál. Lógin varð í 1938 sett í gildi samstundis fyri alt
ríkið, bæði fyri Danmark, Føroyar og Grønland. Nýggj donsk lóggáva
er sett í gildi í Danmark á hesum øki, men lógin er enn ikki sett í
gildi fyri Føroyar.
Av tí at økið er felagsmál, er møguleiki fyri at seta nýggju, donsku
sinnissjúkralógina í gildi fyri Føroyar við kongligari fyriskipan. Skulu
vit hava føroyska lóg, verður mælt til at gera skipanina einklari enn
ta donsku. Danska umsitingin av lógini er stór, og nýggja lógin krevur
enn meiri umsiting.
Vit hava yvirtikið fyrisitingarligu og lógarligu ábyrgdina av sjúkrahúsverkinum,
(sí kap. 5). Sinnissjúkralógin er tengd at sjúkrahúsverkinum
og kundi tí hugsandi verðið yvirtikin.
3. Fíggjarlig ábyrgd
Danski staturin ber útreiðslurnar sambært lógini.
Ognartøka til sjúkrahús
L. nr. 293 af 27.04.1949 om bemyndigelse for Færøernes landsstyre til
ekspropriation af grunde til anlæg af sygehuse i Tveraa og Thorshavn.
1. Fyrisitingarligir myndugleikar og uppgávur
Fyrisitingarmyndugleikin er Føroya landsstýrið.
Sambært hesi lóg verður Landsstýrinum heimilað at keypa ella
ognartaka øki, so at farið kann verða at byggja Tvøroyrar og Tórshavnar
sjúkrahús.
2. Lóggáva
Lógin er donsk og er sett í gildi í Føroyum beinleiðis av Fólkatinginum.
Lógin var bert ætlað til eitt ávíst endamál í 1949. Ætlanin við
lógini er útint.
3. Fíggjarlig ábyrgd
Útreiðslurnar sambært lógini bar landskassin.
Landskassin hevur ongar útreiðslur av lógini longur.
Læknakanning av børnum
L. nr. 236 af 30.04.1946 om Lægeundersøgelse af børn.