hvítabók • fylgibind 2 fyrisiting - Løgmansskrivstovan

270 · Hvítabók – Fylgibind 2
Líkbrenning
føroyskar fiskimenn. Hesar broytingar komu í gildi í Føroyum í juni
1992.
Ætlanin við lógini, sum ásetir reglur um krígsendurgjald fyri seinna
veraldarbardaga, er útint, tá ið tey, ið lógin umfatar, ikki liva longur.
Tí verður ikki hildið at vera neyðugt at gera føroyska lóg á økinum.
Málsøkið er felagsmál, t.e., at fyrisitingarliga, fíggjarliga og lógarliga
er ábyrgdin hjá donskum myndugleikum.
3. Fíggjarlig ábyrgd
Fíggjarliga ábyrgd hevur danski staturin. Bæði av lógarumsiting og av
sjálvum krígsendurgjaldinum.
L. nr. 60 af 14.03.1931 om Ligbrænding.
1. Fyrisitingarligir myndugleikar og uppgávur
Fyrisitingarligir myndugleikar eru løgmálaráðharrin og løgreglan.
Uppgávan hjá løgmálaráðharranum sambært lógini er at áseta
neyvari reglur fyri líkbrenning. Løgmálaráðharrin skal góðkenna øll
líkbrenningarhús í ríkinum, og hann skal eisini góðkenna gravstaðin,
har øskan verður grivin. Hevur tann deyði viljað verðið grivin aðrastaðir,
enn vanligt er, kann løgmálaráðharrin loyva hesum. Skal øskan
av tí deyða verða send til annað land, skal loyvi verða fingið frá Løgmálaráðnum.
Uppgávan hjá løgregluni sambært hesi lóg er at kanna, at alt er í
lagi við líkinum, áðrenn tað verður brent. Um so er, kann løgreglan
geva eina skrivliga váttan um, at alt er rætt framfarið. Løgreglan skal
føra góðkenda protokoll um øll líkbrenningarhús og um hvørt lík, ið
brent verður. Líkbrenningarprotokollir og løgregluváttanir skulu altíð
vera tøkar hjá løgregluni, tá ið hon kemur á eftirlit.
2. Lóggáva
Lógin ásetir reglur um, hvussu fram eigur at verða farið, tá ið lík
verða brend og jarðað í danska ríkinum.
Fólkatingið hevur sett lógina í gildi fyri alt ríkið, t.e. fyri Danmark,
Føroyar og Grønland um somu tíð. Danska stjórnin hevur evnað lógina
og kunngerðina til.
Donsk kunngerð, sett í gildi sambært lógini:
– B. nr. 202 af 01.06.1937 om Regulativ for Udførelse af Ligbrænding.
Lógarøkið er felagsmál, men kemur undir lista A í heimastýrislógini.