hvítabók • fylgibind 2 fyrisiting - Løgmansskrivstovan

114 · Hvítabók – Fylgibind 2
undir danska búskaparmálaráðnum. Avgerðir í Føroyum verða tiknar
av ríkisumboðnum og einum umboði, valdum av Landsstýrinum.
Landsstýrið hevur valt landsstýrismannin í fíggjarmálum.
Tjóðbanki Danmarkar ger peningaseðlarnar, men Løgtingið og Forsætismálaráðið
samráðast um útsjónd.
Fígging: Fíggjarliga ábyrgdina av lógararbeiði hevur Búskaparmálaráðið.
Ábyrgdina av at gera nýggjar seðlar og skifta gamlar um hevur
Tjóðbankin, men ábyrgdina av nýggjum seðlaútgávum hava Búskaparmálaráðið
og Tjóðbankin í felag.
Donsk lóg um myntir
L. nr. 817 af 21.12.1988, Møntlov.
– A. nr. 692 af 11.10.1991 om udmøntning af indenlandsk skillemønt.
L. nr. 248 af 12.04.1949 om pengesedler m.v. på Færøerne.
Lóggáva: Lógin ásetir reglur fyri útgávu, framleiðslu, umsiting og innkalling
av donskum myntum.
Lógin er sett í gildi við kunngerð í Lovtidende, eisini fyri Føroyar.
Lógin um føroyskar peningaseðlar ásetir eisini, at danskir myntir
verða brúktir í Føroyum. Búskaparmálaráðið hevur eftir lógini
ábyrgdina av lógararbeiðinum.
Lóggávan fyri peningaverkið er donsk.
Fyrisiting: Búskaparráðharrin og Tjóðbankin kunnu sláa og útgeva
myntir. Tjóðbankin tekur sær av framleiðslu og umsiting. Stødd, virði
og útsjónd verða eisini ásett av Tjóðbankanum og kunngjørd við
kongligari fyriskipan.
Fígging: Fíggjarliga ábyrgdina av lógararbeiðinum hevur Búskaparmálaráðið.
Ábyrgdina av at gera nýggjar myntir og umsita myntverkið
hevur Tjóðbankin, men ábyrgdina av nýggjum myntútgávum hava
Búskaparmálaráðið og Tjóðbankin í felag.