hvítabók • fylgibind 2 fyrisiting - Løgmansskrivstovan

Suðuroyar sjúkrahús
Heimarøktin
Almanna- og heilsumálastýrið · 355
Av formligum avtalum hevur sjúkrahúsið avtalur viðv. byggiráðgeving
og viðgerð av sjúklingum á Ríkissjúkrahúsinum.
Óformligar avtalur eru t.d. um lóggevandi krøv av røntgentólum,
kanningar á Medicinsk Laboratorium og Statens Seruminstitut, kanningar
av narkosutólum og avtalur um lógarkrøvum viðvíkjandi Dansk
Brandteknisk Institut, herundir árliga sýning av sprinklaraskipan.
Heimarøktin hevur hvørki formligar ella óformligar avtalur við Danmark,
men sjálvt um ongar beinleiðis avtalur eru, metir stovnurin, at
hann reint fakliga er sera bundin at teimum menningarmøguleikum,
sum eru í Danmark og øðrum Norðurlondum.
DANSKIR STOVNAR Í FØROYUM
Landslæknin
Landslæknin er statsstovnur undir Sundhedsstyrelsen. Stovnurin vísir
til „Anordning om ikrafttræden på Færøerne af den danske lov om
embedslægeinstitutioner m.v. af 15. juni 1973,“ sum varð sett í gildi
fyri Føroyar 1. august 1995.
Landslæknin hevur ongar formligar ella óformligar avtalur við
Danmark, men kann venda sær til stovnar í Danmark, uttan at hetta
kostar nakað.
Stovnar, ið landslæknin serliga samstarvar við, eru:
1. Sundhedsstyrelsen viðv. hagtølum.
2. Lægemiddelstyrelsen viðv. loyvum til læknar at nýta óskrásettan
heilivág og at avgreiða umsóknir um serligt tilskot til heilivág.
3. Levnedsmiddelstyrelsen.
4. Statens Seruminstitut viðv. smittandi sjúkum, koppseting og fyribyrging.
5. Nævnet for helbredsbedømmelser i tjenestemandssager viðv.
fyrispurningum um serliga trupul mál. Hesir fyrispurningar kosta
uml. 850,- kr. hvørja ferð, og verður peningurin goldin av tí
stovni, ið setir fyrispurningin, men avgreiðir landslæknin sjálvur
fyrispurningarnar, eru teir ókeypis.
6. Embætislæknastovnar.