hvítabók • fylgibind 2 fyrisiting - Løgmansskrivstovan

216 · Hvítabók – Fylgibind 2
Um Føroyar fáa fullveldi, eigur føroysk fjølmiðlaábyrgdarlóggáva at
verða gjørd, sum hevur líknandi innihald, sum tann danska.
Fyrisiting
Í ríkislógartilmælinum verður § 41 orðað soleiðis: „Der oprettes et
særligt færøsk Pressenævn bestående af en formand og en næstformand
og 6 andre medlemmer, der beskikkes af justitsministeren. Formanden og
næstformanden, der skal være jurister, beskikkes efter udtalelse fra sorenskriveren,
2 medlemmer beskikkes efter udtalelse fra Færøernes Journalistforbund
(Blaðmannafelagið), 2 medlemmer beskikkes til at repræsentere
de redaktionelle ledelser i den trykte presse og radio og fjernsyn efter
udtalelse fra Færøernes Akademi.”
Eftir hesum at døma er tað danski løgmálaráðharrin, sum er fyrisitingarmyndugleikin.
Ein føroysk fjølmiðlaábyrgdarlóg eigur at verða fyrisitin av Lógardeildini
á Løgmansskrivstovuni ella í Undirvísingar- og mentamálastýrinum.
Mett verður ikki, at neyðugt verður við formligum fyrisitingarligum
samstarvsavtalum við danir á hesum øki, um føroysk lóg
kemur í staðin fyri eina danska.
Fígging
Í donsku lógini er tað tann danski løgmálaráðharrin, sum er fyrisitingarligi
myndugleikin og tískil hevur ábyrgd av møguligum útreiðslum
av at umsita lógina. Hvussu hetta eigur at verða skipað í Føroyum
við møguligum fullveldi, er ivasamt, men hildið verður, at Lógardeildin
á Løgmansskrivstovuni ella Mentamáladeildin í Undirvísingar- og
mentamálastýrinum eigur at hava fíggjarligu ábyrgdina.
1.3. Kongliga Leikhúsið
L. nr. 40 af 14.02.1935 om Det Kongelige Teater og om oprettelsen af
en kulturel fond, som ændret ved L. nr. 174, 13.04.1938.
Lóggáva
Lógin fevnir serliga um danska Kongliga Leikhúsið. Lóggávan fevnir
eisini um ein mentanarligan grunn, sum eigur at stuðla tónlist, serliga
í leikhúsins tænastu.
Fyrisiting
Det Kongelige Teater er ein statsfyritøka undir danska Mentamálaráðnum.