Vollständiger Band - Hansischer Geschichtsverein

Verhandlungen zu Kopenhagen. — 1445 Ang. 29 — Sept 28. 107
nomet. Unde de here koning hadde ene geleydet myt den guderen unde de
gadere weren noch in guder vorwaringhe, wente were deme so nicht bescheen, so
hadde he myt den vorscreven guderen gezegelt to koning Erike unde de copman
were der guder quyt gheworden. Yodoch so were dar jegenwardicli desjennen
broder, de de gudere hadde genomen, unde me scholde sodanne gudere wedder-
gheven denjennen, den se bekorden, unde weret dat an den guderen wes enbreke,
darover wolde de here koning allen rechtes behelpen.
8. Item darna leet de here koning vragen dorch her Otten Nykelsson, offt
de stede ok hadden mer to wervende. Darto de borgermester van Lubeke ant-
werde unde se[de]a ja, se hadden noch van schaden unde gebreken wegen to
wervende, dat syner gnade to lank were to hörende, unde weren begherende, dat
sin gnade darto etlike synes rades wolde vogen, darmede se de gebreke unde
puncte mochten vorhandelen, unde beden vurder deger denstliken, dat sin gnade
van wegen der confirmación uppe ere privilegie en gnedich unde gutlik antwert
wolde gheven. Darto de here koning leet zeggen, dat he etlike synes rades darto
wolde vogen, de morgen ere gebreke scholden horen, dat se darumme ere gebreke
scholden an schryffte bringen unde de syne redere morgen to achten in
de klokke tom moneken denne scholden horen unde myt en dann spreken. Item
alse van wegen der confirmacie uppe de privilegie leet de here koning den sen-
deboden seggen unde vragen, efft se ok hadden bewisinghe der privilegie. Darto
sede de borgermester ja , se hadden gude bewisinghe unde vidimus uppe ere privilegie.
Darto de here koning leet zeggen, dat se sodanne bewisinghe vor syne
gedeputerden brochten, de se seen scholden, unde darna he en een gutlik antwert
van der wegen gheven wolde.
9. Itemb des vorscreven donnerdages in der quatertemper do was Hinrik
Grypeshorn by den heren sendeboden van Lubeke unde darsulvest en sede, dat
he van Olaff Jonsson 106 Mark Lubesch hadde entfangen nach utwisinghe synes
machtbreves, den he van dem rade to Lubeke darup hadde entfangen. Unde her
Wilhelm unde her Jacob em noch dama ene quitancien geven.
10. Item des frygdages1 dama do quemen de heren sendeboden to dege-
dingen ton moneken myt den ersamen heren, de de here koning darto hadde ge-
voget Unde weren de redere der riike Zweden unde Norwegen, alse® de biscop
van Ansio unde d e ..................c. Unde darsulvest vertelde van wegen der stede
de borgermester van Lubeke, wo dat aveschedent was ghewesen to Alholm unde
nu ok vor dem koninghe. Aldus worden dar gelesen etlike gude privilegie unde
vidimus uppe de riike Zweden unde Norwegen, de laes de scryver van Lubeke
in dem Dudeschen unde de provest to Bergen de hadde in der hant dat vidimus
in dem Latino unde dat ludde overen. Unde alse dit was gesehen, do sede de
vorscreven here borgermester van Lubeke, dat se der privilegie vele mer hadden
in den vorscreven twen riken, yodoch so beslote dat vorscreven privilegium se
alle. Vurder wart darsulvest gelesen de aveschryfft der confirmacien, alse koning
Erik den steden uppe de riike Zweden unde Norwegen hadde bezegelt. Unde
darna so weren de stede begherende, dat de vorscreven twiger riike redere yd
so wolden bringen by den heren koning unde syne gnade underwisen, dat he en
ere privilegie wolde bezegelen unde confirmeren. Darumme se spreken unde den
steden vor en antwert seden, sunderges de ut Sweden, de seden den steden, dat
se sodanne privilegie wol hadden ghehoret unde dar worden ynne beroret vele
articule, de andrepen dat riike van Dennemarken, dat en nicht to en queme,
*) se i . b) Zu § 9 a, R. bemerkt: Non respicit civiUtes L. c) alse — de
a. R. nachgetragm, die übrigen Namen nicht hiniugefügt L.
’) Sept 17,
Digitized byGoogle