Vollständiger Band - Hansischer Geschichtsverein

184
Versammlung za Lübeck. — 1447 Mai 18.
31. Vortmer weret ok sake, dat jennich schipman effte bosman* dem copmanne
sin gud nicht wolde helpen berghen so vele alse se künden unde mochten,
alse hir vorscreven is, wanner dat siik schipheren edder coplude darvan be-
clageden vor jenigher stad van der hense offte alderlude des copmans, dar se erst
toquemen alse vorscreven is, dat schal de stad offte alderlude des copmans
richten bii vorstant der schipheren offte coplude de darbii gewesen sin, alse vorscreven
is, also dat en ander darbii en exempel moghe nemen, bii des copmans
gude so to bearbeydende unde to vorwarende, alse siik dat geboren schal K
32. Vortmer wat schiphere, de korn innemet, de schal darynne vorbunden
sin, so myt synen schipmans unde bosmans to overdregende unde se darynne
hebben, dat se dat vorkolen also dicke alse des noet is; wor dar vorsumenisse
toqueme, dar schal de schiphere vor antworden. Also mennichwerve, alse dat
korn vorkoelet wert, so seal de copman den schipmannen unde bosmannen gheven
vor jewelke last anderhalven groten Flamesch *
33. Vortmer in allen havenen, dar schepe geladen werden, schal de stad
(dat)b vorwaren lateli, unde desgelikes de olderman des copmans dar des behuff
is, dat de to depe nicht geladen werden, se sin clene edder grot; konde men
darenboven jenighen schipheren bewisen, dat he sin schipp vorladen hadde unde
daraff schade queme, den schaden scholde de schiphere allene betalen. Worde
ok en schipp vorladen unde doch wol over zee queme sunder schaden, van also
vele last alse men bekennen mochte, dat he vorladen were, scholde he van
jewelker last gheven der stad van der hense offte den alderluden des copmans
dar he toqueme, also vele vracht alse he darmede vordenet hedde03.
34. Vortmer offt zfcrovers jenich gud nemen unde en dat weddergenomen
worde, is geramet, datd degenne, de en dat weddernemen, unde degenne, de de
koste stunden, de helffte des gudes darvan hebben unde beholden mögen unde de
helffte den beschedigeden weddergheven. Weren over vredeschepe in der zee van
der ghemenen stede wegen, de dat den roveren weddernemen, de scholden dat
deme copmanne weddergheven. Ok vor welker havene, dar men zerovere ervaret,
dar schullen de negesten stede volgen unde de vorstoren unde bringen dat uppe
de negesten dachvart; de koste unde theringe schullen en de gemenen hense-
stede weddergheven4. #
35. Vortmer synt de stede eensgeworden to holdende de artikel also in
den olden recessen gescreven is, also dat nen schiphere myt geladen schepen
noch myt ballasten zegelen schal na sunte Mertens dage uth der havene dar he
denne inne is, id en were, dat he uthgesegelt were van dar, dar he geladen were,
unde queme wor in Norwegen edder in anderen haven, so mach he vort segelen
darhenne he willen hadde to segelende. Were over, dat welk schipp geladen
were vor sunte Nicolaus dage myt bere edder myt heringhe myt vuller last, so
mach de schipher segelen in den market darhenne lie gewunnen is, wo he dat
myt syme rechte beholde, dat he andere nene copmanschupp ynne hebbe den beer
unde hering6.
36. Vortmer scholen nene schipheren van der zee, de winterlaghe gelegen
hebben, segelen myt eren schepen vor cathedra Petri, id en were, dat welk schip-
ft) loszmftn Dl. b) dat R Kn fehlt L. c) hadde Df. d) dat dejenoe
de de Icoete stunden unde en dat weddernemen Df.
,) Pardes8U8 § 2; wiederholt aus dem R. v. 1412; tier von 1418 setzte die Strafe auf
2 Monate Gefängniss und bei Rückfälligkeit auf 3 Monate und Brandmarkung den Ohrts
fest; vgl. § 55. *) Partlessus § 3 ; R. v. 1412, 1417 und 1418. #) Pardestus
% 4; R. v. 1412, 1417 und 1418. *) Pardesms § 5% R. v. 1412, 1417 und 1419.
5) PardesHus § 6, R. r. 1417 n. 1418, ?> //. HR. 1 v. 321 § 13, 2 v. 60H § 14.
Digitized by G o o g l e