Vollständiger Band - Hansischer Geschichtsverein

Versammlung zu Lübeck. — 1450 Sept. 21. 495
des landes Prutzen unde den steden van der hense nu lange tiid van olders her
gewaret hebben, klage unde twistunge sint irwecket, unde de to beterende unde
darup vrede to makende vakene handelinge unde degedinge geweset sin, de doch
na vorlopenheyt der tiid vormiddest nemynge des copmans gudere sowol in der
see alse in deme riike van Engeland, ok vormiddest upsettinge nyer kastume
unde angripinge der personen nu kortliken sint vorbroken, worumme groter unde
zwarer bitterheyt unde Unwillen twisschen den vorscreven van der banse unde
deme riike van Engelande sint gewassen unde enstanden, unde wanner de vur-
deren vortgank hadden unde inbreken, were to bevruchtende, dat de copman
unde dat gemene beste unde gud qweme to schaden unde to groteme vorderve
unde neddervalle. Wente denne de irluchtigeste furste unde here koning van
Engeland alsowol vormiddest synen danknamigen breven unde (ok)a syne sende-
boden muntliken den steden van der hanse syne gude andacht und syner konich-
liken synne aller gudlicheit unde leve vul, so syne word dat uthwisen, to vrede
unde to gantzer vorenynge sint geneget, unde uppe dat danne syner konichliken
gnade unde der gantzen werlt werde opembare, dat de vorscreven stede van der
hanse hebben ene grote begeringe unde behegelicheit to sulkeme vrede unde alse
se allewege darto gantze berede synne gehad hebben, so sin se noch uppe desser
tiid bereder unde genegeder darto. Unde hirumme unde umme vorbeteringe
willen sodaner twistinge, twedracht unde schaden biitolecgende unde olden vrede
unde vruntschop to beterende twisschen deme heren koninghe unde den steden
vorscreven, sint vorramet desse articule nagescreven.
1. Tome ei*sten, dat de irluchtigeste here koning van Engeland denb
copman van der Dutschen hanse sette in alle syne privilegia unde vriheyde in
svneme rike van Engeland, der to brukende unde to hebbende, so he de van
oldinges nach lude unde inneholde sodaner privilegie em von dem heren koninge
van Engeland darup gegeven [to]c gebruken plach; desgeliken ok scholen de
undersaten des vorscreven heren koninges in deme lande to Prutzen unde den
steden van der hense vrundliken unde vredesammeliken geholden unde enthalet
wesen, so dat van oldinges beth hertho is gewesen.
2. Item uppe dat sulke vorscreven privilegie unde vriheyde deme copmanne
unvorbrekeliik geholden werden unde de copman myt syner konichliken gnaden
undersaten ziik de vruntliker vortan underenander weten to holdende unde to
levende, so scholen etlike stede in deme riike van Engeland, alse myt namen
Lunden, Jurk, Busteen, Hülle, Brustowe, Linden, Nordwiik unde Gibbeszwig, vormiddest
eren openen, besegelden breven deme copmanne loven unde vorscriven,
en in der besten wise sunder jenighe behendicheit darin to theende, dat deme
copmanne van der hanse syne vriheit unde privilegie sunder jenige vorkortinge
scholen werden geholden. Unde sulken der stede breff schal de koningh confir-
meren, bestedighen unde beleven myt syneme majestad segel unde an de van
Lubeke senden, den se to behoff der hense scholen bewaren.
3. Item umme merer unde vaster bewaringe unde bestandnisse desser vorscreven
dingh unde uppe dat desse dingh vormiddest groterer leve werden vullen-
toghen, so scholen de vorscreven stede in Engelant ere vulmechtigen sendeboden
senden to sodaner dachvart, also men nu negest holdende werd.
4. Item alse van der nemynge, schaden, klachte unde anderen gebreken,
de gedaen unde gescheen sin, to beterende [unde]d wedder to kerende, so is ge-
maket unde begrepen ene gemene dachvard, de men darup holden schal. Unde
a) ok VK fehlt L.
d) unde fehlt L,
b) ipsoa Lubicenses et mercatorem haoze Ilk- c) to fehlt L.
Digitized byGoogle