Vollständiger Band - Hansischer Geschichtsverein

210
Verhandlungen zu Kopenhagen. — 1447 Jun. 26 — Jul. 11.
to Berghen, weren des kopmans hovedlude vor des rikes rade tom dome. Under
ändern degedingen unde worden vragede des kopmans ol denn an, weer de kop-
man ok mochte velich unde vredesam sitten, varen und kamen up der stede
privilege, so he van oldinges hadde gedaen, nadem sulke sake in dem majestats
breve berurt de kopman hadde geschaten vor unssen herrn den koning unde de
stede unde alle dryer rike rade. Darto antwerde uns des rikes raed, de ertze-
bisscop, de bisschopp van Bergen myt den ändern gestliken personen ock riddern,
under langen besprake er Olff Nickelsen sprak dat wort unde nam des kopmans
oldermans hand in syne hand sus ludende: De kopman solde velich unde vredesam
ligghen varen unde kamen wente to sunte Johans daghe to an beyden tziden
unbevruchtet, men den majestatsbreff wolden se geholden hebben, so scholde hyr
eyn dachvart wesen, dar scholden alle anwaldigen unde koninges unbadeslude
kamen des rykes to Norwegen, unde se wolden den dach dem koninge ok vor-
scriven, de koning queme dar odder nicht syns rikes raed scholde dar vulmech-
tich wessen, und dar scholde alle dingk to ende werden vorlecht, wol braken
hadde dat he denne beterde; er Olff wolde upscriven, so scholde wy ok, unde wol
in der ge[nanten]a tiid breke in sake de nicht geschaten weren odder da[r]b an-
rorende weren, dat de darvor beterde int recht nach dem lochboke. Myt sulken
vorworden lavede de ene de ändern velich unde vredesam to wesende lyves unde
gudes, de ene vor dem ändern unbesorged to dem vorgenanten sunte Johans
daghe to *. Men des kopmans olderlude spreken myt sulken beschede alle ore
word, de kopman wers nicht mechtich sulk eyn dach ane orloff odder gehete der
heren van den steden, ok wolden se sik nynes dages furder vorwillen, sunder se
wolden den heren van den steden darvan scriven so mochten se ok, de kopman
wolde doen wat ere heren darvan screven.
8. Item darna in den winter baven sulke vorwort vor wynachten desses
yegenwardigen yares leet er Olff Nickelsen voged summelke van unssen medekop-
luden tacksetten tor steven vor gerichte umme sake willen de geschaten weren,
alse van der munte wegen, unde mende so vortan to meer luden totosprekende.
Des ghingh des kopmans olderman myt sulken unssen luden upp de steven unde
sprak, dat sulke sake van der munte eyn were van den schaten puncten unde
de sake de dar anrorende syn vor den koning unde de stede unde der rike raede,
und was begherende vortan van den lochmanne unde radluden, dat se dar nicht
wolden aver richten na dem alse dat geschaten were, wente de kopman wolde
by dem schetende bliven unde dar nic[h]tc wessen over drunghen. Dar schod dat
de buvaged upp to eme ändern rechtdaghe van er Olaves wegen, he wolde dat
er Olave vorstaen laten, wente he was dar nicht sulven yeghenwardich sunder
Adam de buvaghet klaghede sulke klage aver de unssen unde de lochman unde
summelke raedlude vulvoreden de claghe unde hulpen se vorbringhen, wo doch*
dat se vor richter dar seten.
9. Item dessulven dages umme middach uthen quam Mattys Pallassen, eyn
van er Olaves deneren, to des kopmans olderman myt ändern er Olaves deneren
unde sprak, er Olff hadde on dar gesand unde worumme dat om van sinen per-
sonen nyn recht mochte weddervaren de gebraken hadden int recht, des rikes
raed hadden sik doch so gescheden in dem loffte des vredes, wol breke de
a) (ferneenen L. b) dat L, c) nict L. d) wo wo doch L.
0 Vgl. die an den Jarl der Orkneyinseln gerichtete Einladung des nortreg. Reichsraths znm
Reichstage in Bergen am 24 Jun. 144 7 propter ncgocia felicera statu in repni nostri concemencia
tune inovenda et expediendu. Dipl. Norv. 7 S. 430.
Digitized by ^ . o o Q l e