Vollständiger Band - Hansischer Geschichtsverein

272 Verhandlungen in Flandern. — 1447 Okt. 26 — 1448 Apr. 17.
se verbodet hadden, hören solde, welck des negesten dages beginnen solde, dat
dan yemand* van des coopmans wegene dar bii were om raet darane to hebbene,
of des van noden worde, dat en also gewillighet waer[t]b to doen. Und dar wort
to gheordiniirt meester Gosen, des coopmans clerck, de en vorder underwisinge
doen solde, of des worde van noden.
42. Item upten 15c in februario doe weren de heren radessendeboden mit
des coopmans gedeputierden wederunnne gecomen voir de 4 leden, umme to unt-
fangen antworde van allen ponten de de 4 leden gehandelt hedden dewile de
heren radessendeboden uutghestelt waren wal 14 dage lanck etc. Also sprack
meester Clawes Langebaert etc. erste uten name van den 4 leden und segede
aldus: Erbare wise heren, so gii weten van der saken angaende den van Rostocke,
den van der Nyeuwepoirte und Lombardie etc., de wii hebben doen verboden
hiir to comene, dat siin arme schamele lieden de vele verloren hebben und
groten scade genomen bi den van Rostocke, Bremen und andere steden van der
henzen, und hevet on ock grootlick gecostet, dat se ere saken aldus langhe ver-
volghet hebt, menende dat se dat van gueder causen solden ghedaen hebben;
nichtemyn se syn hiir und willen sick gherne voeghen und composicie maken
van den scaden den van Rostocke gedaen bynnen terminen van jaren to betalen,
bii also dat partien, de heren und coopmanne, darto wilden geneghen wesen, dat
de somme gheminret worde dar se in gecondempneert ziin etc., und begheerden
daerup ere gutlick antwort. De heren met des coopmans gedeputierden berieden
sick und gheven en vor een antwort, dat were wal waer dat des heren raedt van
Burgoengen etc. in der vorseiden sake van Rostocke ene sentencie gewiist hedde,
dat se den van Rostocke betalen zolden also de sentencie dat verclaerde, up
welke sentencie se nicht en spreken, men de coopman hadde in Privilegien wanneer
em siin gued genomen eder ofgherovet worde und dat gherovede gued eder den
rover binnen den lande van Vlanderen bevonden worde und ymande naevolchde
den dat gued toebehoirde und dat mit gueder informacien bewisen conde eder
certificeren, men solde eme ziin gued wedergheven und den rover justicieren,
daer de 4 leden in gheholden w[eren]d daerto to helpene; wolde men den coop-
luden van Rostocke wedergheven dat principael erer scaden nae inholdene erer
certificacien, soe wolden se gherne mit en tracteren und umme de coste und ver-
volch darumme ghedaen, de sick wal liepe [up]® 100 pond grote, dair so wolden
se gherne guede luden to scicken, dat men de mynrede alse vele alse redelick were.
Voertmeer so segeden de heren radessendeboden: leven heren, so gii weten, dat
latest do wii van ju scheiden solden vele ponten wtstaende bleven, alsse van den
ne[m]ynghef upten Viameschen ströme, van den zeeroveren und van den heren
ofiiciirs etc., (lat gii de saken bynnen den myddelen tiden vor dem heren, de do
to Rysele int steckspeie komen solde, by uwen gedeputierden wolden bearbeiden
laten, dat gii und wii darof van den heren bynnen corter tiit een antwort solden
hebben etc., und wes se darane ghedaen und geeyndighet hedden, dat se en
dat wolden laten weten, wente se leghen hiir und waren hiir langhe geweest
tot groten swaren costen und en quemen [in]* genen saken eder ponten to ghenen
eynde. Up welke begheerte de 4 leden de vorseiden heren deden uutwiken und
deden se weder inkomen und spreken ierst van der saken van Rosticke und vre-
gheden den heren eersten, waer se dechten bi des coopmans Privilegien to blivene
und den certificacien [der]h van Rostocke. Darup de heren radessendeboden ver-
antworden, se dachten to blivene bi den Privilegien und certificacien der van
a) njemand K b) waer A*. c) XXV K. J) word# A\
e) up fehlt A'. nenynglie A\ r) in fehlt K. h) der /M i l
Digitized by v j O O Q l e