Vollständiger Band - Hansischer Geschichtsverein

178
Versammlung zu Lübeck. — 1447 Mai 18.
den erbenomeden ghemenen steden deme vorscreven Corde gesecht, dat he scholde
to hus riiden unde bestellen, dat hir uth deme rade to Gosler nu amme mandage
vort over achte daghen wol vulmechtich qwerae, de sake to eneme gantzen ende
to slitende. Unde darbii de erbenomeden stede ok an de erbenomeden van Gosler
wolden schriven, deden se deme also nicht, so wolden se deme recesse der ghemenen
stede darupp vorramet volghen, so dat bii den steden were geslotenl.
15. Vortmer worden darsulves vor den gemenen steden gelesen sodanne
privilegia und rechticheyt, alse de copmanne van der Dutschen hensze hebben in
deme lande von Flanderen unde Brabant unde in deme riike van Engelant, al
in deme Dudesschen wowol se synt ghegeven in deme Latine; unde de erbaren
van den steden dar jegenwardich nach lude unde inneholde der privilegie wol
konden kennen, dat en unde deme gemenen copmanne vele vorkortinge in so-
dannen vorscreven privilegien dagelix weddervore. Unde deme weddertostande
unde myt deme besten unde ok ripeme rade dat to sturende, so hebben de erbe-
nomeden radessendeboden endrachtliken gesloten unde vor dat beste vorramet,
dat se ere drepliken sendeboden bii den grotmechtigen heren homeister Dutsches
ordens des landes to Prussen myt den ersten schicken unde hebben willen. Unde
hebben dartho ghevoget de ersamen heren* alse enenb van Lubeke, enen vamme
Stralessunde, enen van Luneborg. Welke doch de sendeboden der erbenomeden
twyer stede, alse Stralessund unde Luneborg, dat also nicht dorsten annamen wente
se darvan nichtes hadden in bevel. Darumme de erliken sendeboden der ghemenen
stede an de erbenomeden twier stede sendeboden redere schreven, dat en
dyt were also to willen unde etlike uth ereme rade dartho vogheden *.
16. Vortmer darsulvest vor den erbenomeden heren radessendeboden be-
clageden siik de ersamen sendeboden van Campen unde uth der Suderzee, dat
etlike stede hir bii der see hadden deme copmanne to Berghen in Norweghen ge-
screven unde ok ordinancien maket, dat de schepe van Berghen vorscreven hir
to Lubeke in erec stede segelen scolden, dat se siik toghen to vorvange unde
groteme schaden. Dartho de ersamen van Lubeke unde de anderen stede, alse
Rostock, Wiszmer, Stralessund, antwerdeden, dat en sodanne ordinancie nicht
were to vorvange, men ere menynghe were ghewesen in sulker wise: wor en
schip uth ener stad vitaliet unde myt meele unde molte geladen uthsegelde, dat
yd dar wedder insegelde, men dat men in dessen steden de vitalien kopen unde
de schepe dar uthreden unde voren to Deventer edder an de Sudersee, dat were
en nicht to willen. Ok beclagedend siik de vorscrevenen van Campen unde de
anderen stede vorscreven, dat, ere borgere weren gebracht in borghehant, darumme
dat se jegen de erbenomeden ordinancien hadden gesegelt etc., unde weren be-
gherende, dat se der vorscreven borghetucht mochten bliven entslagen. Darumme
de vorscreven heren radessendeboden spreken unde umme bede willen der
vorscreven van Campen unde der anderen stede sodane borgetucbt uppe dyt mael
loes scholde wesen bii sulkeme beschede, dat se in tokomenden tiiden den olderluden
unde deme copmanne to Berghen vorscreven horsam weren, so siik dat
behorde. Unde sunderges de van Campen scholden to Berghen myt deme copmanne
stoven unde wonynghe holden, so de van Deventer unde andere stede
deden. Helden se ok eghene wonynghe unde kost, alse eghenen roek unde vftr-
stede, so scholden se over den winter unde hervest sodanne ere wonynge waren
myt were unde luden, so de anderen don unde denne wesen schal van noden.
a) in Df nach heren ABC. b) enen in S durchstrichen und durch twey erttttt.
c) ene Df. d) beclageden Kn, clageden L.
') Vgl. 8 26.
*) Vgl. § 19, 22.
D igitized by Google