Vollständiger Band - Hansischer Geschichtsverein

Verhandlungen in Flandern. — 1447 Okt 26 — 1448 Apr. 17. 293
und woirden. Darto de leden verantworden, dat waer were dat se toghesecht
bedden dat se bi den heren trecken solden, und dat were en ock also van den
cancelliir und den bischop van Domike angekomen van miins heren van Bur-
goengen etc. hete und bevele, men daer wäre noch aldus langhe tiid belet in-
gekomen, doch hopeden de leden dat miin vorsegede here in corts van Bruesele
vertrecken solde to Risele vorseget und dar wolden se dan truwelick bii sick
senden umme des coopmans ghebreke tot gueder uu[t]drachta to bringhene.
Waerup de deken weder verantworde, dat se breven und scriften van den steden
van der hense en hedden untfanghen, dat se hiir nicht langher ligghen noch ver-
beiden solden, wente den der tiidt und swaer coste seer verdrote, und ofte dan
de here aldus wolde de dinghen vertrecken so mochten se wal merken, dat
jeghen der stede van der henzen willen und bevele hiir nicht langher en stonde
to verbeyden, und begheerden darumme hiirof gruntliken ere menynghe und wille to
wetene. Warup doe de leden verantworden, dat de personen van den leden in
desen saken ghedeputiirt al noch nicht gekomen en weren, ock so en was gheen
van den burghermeesters vau Brugge daer jeghenwoirdich, aldus begheerden se,
dat de heren sick liden wolden tot des anderen daghes, se wolden sick darup to-
samene bespreken und dan den heren darup een antwort gheven. Daermede
scheyden se van danne.
76. Item upten 4 dach in aprille qwemen de heren mitgaders den ghedepu-
tiirden des coopmans weder upt ghiselhuus bi de 4 leden, daer Jacob Riinghelt
weder verhaelde alse des anderen daghes was gedaen, woe dat wal waer were
dat de 4 leden to meer tiden den heren radessendeboden toeghesecht und belovet
hedden bii den heren to zendene dat doch bii sekeren belette achtergebleven
were. Und want dan nu de heren radessendeboden twivel makeden in den saken,
so segede he, dat de leden vulcomelic betruweden, dat de vorsegeden des coopmans
ghebreken in cort solden tot gueder uut[t]drachta komen, went se verstaen
bedden, dat de heren en manendaghe neghest körnende van Bruesele wolden vertrecken
to Risele waert, dar dan de leden notabelick bii em wolden senden, und
begheerden, dat de radessendeboden desgeliics dar rnede wolden riiden, mit vele
meer anderen woirden. Waerto de radessendeboden verantworden, dat se sick
upter antworden wolden bespreken, und begheerden, dat de leden des anderen
daghes wolden vergaderen beneden in schepenekamere, dar wolden se dan ere
syn und uterlicke meninghe gheven to kennene, welk de leden also tosegeden to
doene. Und darmede scheiden se van danne.
77. Item upten 5 dach in aprille do weren de erbaren heren radessendeboden
mit des coopmans ghedeputiirden vor de 4 leden in de kamere to Brugge
vor de alinge wet van Brugge geghaen umme den 4 leden ere meninghe und
uterste antwort of afscheidene toe segghene, daer de wet van Brugge und de
4 leden riiplick vergadert weren umme de heren to horene. Daer de doemdeken
van Lubeke updade und verhaelde ersten, wo alle de sakene und gebreken des
coopmans, doe se hiir ersten mitten vier leden in der haudelinghe qwemen, in-
ghestelt und verhandelt weren, dar se den heren und den coopman toeghesecht
und belovet hadden, dat se alle des copmans Privilegien wolden unbrokelick
holden und daeroff in ghenen gebreken wesen, und alle de poenten de deme heren
anghenghen wolden in scrifte stellen und de bii eren ghedeputierden bii den
heren hertoghe van Burgoengen oversenden und vor sine gnaden vervolghen dat
daeroff eyn eynde solde worden gemaect, und daeroff solden se een entlick and-
wort hebben bynnen den tiden dat de 4 leden den anderen poenten, den 4 leden
a) uadracht K.
D igitized by ooQle