Vollständiger Band - Hansischer Geschichtsverein

280
Verhandlungen in Flandern. — 1447 Okt. 26 — 1448 Apr. 17.
Brucge up verantworden, erst up de sepe, dat de fraude nicht en ghescheghe to
Brugghe wente men sode oeck sepe to Ghend und in Brabant und oeck oestwert,
alsse to Lubeke, to Amborch und in anderen steden van Oestlant, de dartoe
deden vet, smere, olie und andere quade materien, und deden dieselve seepe in
densulven vaten de van hiir quemen, also dat de fraude dair also wol mochte
scheen alsse hiir to Brugge, so men dat oeck in wairheiden beviinden solde.
Daer de burgermeister van Lubeke ere stad in verantworde und derghelike so
verantworde de burgermeester van Amborch ock ere stad, dat se daer ghene
seepe en plegen to zeden, mit vele redenen darto denende, men de fraude ghescheghe
hiir allene bynnen Brugghe und anders.
57. Item van der valscheit des olies und der vaten dar men den olie in-
doet, segheden de 4 leden und sunderlinghes de van Brugge, dat se dairomme
vorboden de oldesten de daimede ummeghinghen, de segeden dattz waer were,
ock so were de olie van naturen dat he nicht en wolde ghevoert siin noch vele
beweget, wente so worde he dünne und schote ziin verwe. Daerup de heren
radessendeboden verantworden, wan de oJie gued were unvermenghet mit anderen
oliien, wo veer dat men den voerde, wen he to ligghene qweme, he worde weder
hart alse he ersten was, mer were he ghemaket und ghemenghelt mit andere
materie eder oliie, so bleef he unardich und weeck, und daerumme so weert beter,
dat men den olie liete in siinre naturen und wesende alsse God den ghemaect
hadde. Men van der valscheyt der vaten daer men den olie indede, dat de wal
18 eder 20 stoop myn helden dan de vergheert weren und anders [to]* clene dan
se schuldich weren to wesene, daer menich schamel man oestwaert mede bedroghen
wort, daer men de vaten ontwee pleghe to sniden und deleden dat und en vonden
dan so vele oliies nicht in den vaten alsse pleghen to viindene, daerumme dat 1
man s>;n wi’ff und ziin ghesinde vordachte, dat se dat solden hebben onderslagen
eder wechghebracht, darvan vele qu[a]desb van qweme, gheliick alse dan der vaten
een bii deme coopman wederumme gekomen were, dat also fraudelick und valsch
bevonden were, so voir gheroert is, dat wal 20 stoop to cort hielde. Dairup de
vorsegeden 4 leden und sonderlinghes de van Brugghe verantworden, wo dat de
valscheit mochte toegaen, wente se de gesworen deken und kupers daertoe gbe-
ordineert hadden de dat mitter stad cronen tekenen moesten und dat verwaren
dattet ghene fraude in en solde ghescheen. Dairup des coopmans gedeputierden
verantworden ende den van Brugghe darvan to kennene ghevenc de maniere wo
de valscheit toeghenghe etc. Doe segheden de van Brugge, se wolden dar twee
schepene und andere clerken to ordineren, de des namiddaghes to ener uren dat
vorgheroirde vat in des coopmans huus bezeen solden und de valscbeit dairof
proven. Welck also gheschach des namiddaghes, dair oeck des coopmans ghe-
deputierden ind ierste bii waren. Und ersten so wort bevonden, dattet vat een
eye was und dat de boem nicht cirkelront en was, wente se dar een passer und
een cirkel bii hedden. Und darnae so dede men dat vat mit water vullen eder
ineten, dat do int uutmeten bevonden waert dattet 20 stoop myn heit dant gbe*
rodet was. Und dairnae so slougen se dat vat und beseghen dat enbinnen und
bevonden, dat tuschen tween steven ene grote groeve sere groot und deep ghemaket
was, dar de roede inghenck wanner de vergherer dat vat vergieren solde
etc., als dat de vorsegeden twee schepenen und een, burgermeister de vorsegede
valscheit also claerlik bevonden so de heren radessendeboden und de coopman dat
den 4 leden gheclaghet hadden. Welck va[t]d oliies te den tiiden dat Johan van
a) de K. b) qoedes K. c) tu ghevene to koonene K. d) n a
D igitized by ooQle