Vollständiger Band - Hansischer Geschichtsverein

Versammlung zu Lübeck. — 1450 Sept. 21. 485
dunked uns, dat wii plichtich unde schuldich syn, sulkeme recesse natogande;
unde ok wente etlike van densulven steden to der vorgerorden dachvart to
Bremen vorscreven weren unde desgelikes ok darsulvest nicht entschickeden,
daruth wii nicht merken mögen anders, denne dat se uppe wolvart der hense
nicht en achten, unde umme dat uns unreddeliken duchte, dat de unhorsamen
vriheyde der hense bruken geliik denghennen de darumme arbeyt noch kost en
scbuwen*, sunder ok under eniges liff unde gud over wech unde anders wagen,
so hebben de sendeboden der gemenen hensesteden overeengedragen unde gesloten,
dat sulke stede, myt namen: Rostok, Dorpmunde, Soest, Paderborne, Lemegoe,
Hervorde, Munster, Osenbrucge, Duysborg, Mynden, Hildensem, Halverstad,
Hannover, Hamelen, Quedelinborg, Asschersleve, Franckenvorde, Halle, Berlin,
Stendal, Soltwedel, Ulsenb, Eiborg, Staveren, Colberge, Nigenstargarde, Golnowe,
Olden Stettin, Gripeswolt, Wisbu, welker stede borgere unde inwonere doch fry-
heyde der hanse nicht kleyne en bruken, vorvallen scholen sin in de pene in
deme vorgerorden recesse to Bremen ingesat, dat is en jewelik van en ene mark
lodiges goldes unde 10 jar lank entberinghe unde vorlesinge der vriheit van der
hanse, id en sy denne sake, dat jenich van den vorgerorden steden dorch enen
borgermeister edder enec uth deme rade ziik des myt merkliken nodsaken vand
der gantzen stad wegen moghe uppe der negesten dachvart entschuldighen, so dat
se des nicht umme de kost to sparen ofte anders, sunder allenen umme sulker
nodsake willen, de alse denne tor kentnisse® der sendeboden uppe dersulven
dachvart wesende stan schal, alse ok sulkent de obgemelde recess uthwiset. Doch
wan jenich van den vorgerorden steden de pene der mark goldes betalet (heft)f,
so mögen de sendeboden uppe der negesten dachvart uppe de jare na reden unde
gelegenheyt, de se vorstän, vortyen. Unde hiir schal siik de coopman uppe den
enden dar men der hanse vryheyt holdet na richten, so dat se nemande tolaten
myt ereme gude van den vorbenanten steden, he en bringe danne by, dat he
der hanse in der vorgerorden penen genoch gedaen hebbe. (Unde» dit schal men
den unhorsamen steden tor neghesten dachvard vorkundighen, dat se sik dama
richten).
2. Item want etlike kleyne stede sin, de der hanse gebruken unde doch
nicht willen helpen dragen den hovetsteden de kost, darmede schal men id holden
alse sulkent vor vordragen is in deme jare vorscreven K Unde de copman
schal nymande uth densulven steden tolaten, he en hebbe siik erst uppe dat
puncte myt der hovetstad vordragen unde hebbe des van dersulven stad enen
8chyn.
3. Item11 was vor den vorscreven heren radessendeboden heren Bernd Vlesch,
radman vamme Gripeswolde, de de hochliken klagede over de vamme Gripeswolde,
de ene hadden gedrenget van erven unde egenen unde doch hir bevoren sodanne
sake den vamme Stralessunde unde Anklem was bevolen2. Aldus de vorscre-
venen radessendeboden bevolen to scrivende an de erbenomeden vamme Stralessunde
unde Anklem, dat se siik myt der sake bekummerden unde der enen ende
makeden, unde desgeliken scholde men ok scriven an de vamme Gripeswolde
vorscreven.
4. Item1 alse van des dages wegene, den men denket to holdende myt den
a) nicht sparen RK. b) Ulsen in L durchstrichen und a.R. r. Hertze dazu bemerkt: Ulsen
hebbe ziik entachnldigedet! Vgl n. 672. c) enerae Kl. d) Davor durchstrichen:
myt eren eeden L, in Kl stehen geblieben. e) erkantnysse D Kl, f) heft Rk,
fehlt den übrigen Hss. 0 Unde — richten B Kn R% naehgetragen Dr% fehlt den übrigen Hss.
h) Zu § 3 in Kl a. R. bemerkt: Non oportet legere. i) Mit $ 4 beginnt in D die zweite Hand.
' Richtige*' 1434, vgl. HR. 1 n. 321 § 42. *) iV. 506.
Digitized by LjOoq le