Vollständiger Band - Hansischer Geschichtsverein

Verhandlungen in Flandern. — 1447 Okt 26 — 1448 Apr. 17. 277
to wederliggene. Daerop de heren vertreckeden in der biicamere, daer bii se
qwemen de dree leden, seggende dat se breder van der zake mit den van Brugge
hadden ghesproken, und begheerden to wetene, of se conden gemäken, dat de van
Brugge dat pont vortan nae unsen verstaen helden, off wii dan oeck begeerden
weder to hebbene dat sea aldus langbe upgeboert hebben, und woe men solde
beletten,*dat nyemant wt den manscappe anderen dat bier vort en vercofte. Dar-
toe de deken verantworde den drien leden und dankeden dat se darynne dat
beste daden, und segede, dat de van Biugge den coopmanne dat pont voertan
heelden, dochte en wel redelick wesen nae utwisen desselven, und als van den
gelde dat se aldus langhe to Unrechte upgeboert hebben wedertokeren wal swaer
und lastelick wesen solde, so wolden de heren und de coopmanne tovreden wesen,
dat se wedergheven datghenne dat ghenomen were synt dat de coopmanne van
Andwerpen weder in Vlaenderen gecomen is und de composicie ghemaect was;
mede segghende, were ymand, het were koe[pman]b of andere, de bier van manscappe
buten vercofte und men dat mitter wairheit bewisen mochte, dat scepene
dienselven principalick und nyemant anders darof corrigiirden als dairto behorde.
Desse antword droghen de dree leden den van Brugge weder, daerup se sick be-
spreken wolden mit der ganser wet und daerup ere gutlick [antword]6 ter erster
vergaderinghe weder inbrenghen. Und darmede sceyden se van ene.
52. Item upten 26 in februario weren die heren radessendeboden mitten
gedeputierden des coopmans upt ghiselhuus, dar by se quemen in de biikameren
de dree leden seggende, dat se up dat ponte van der axise van den biere vorder
und breeder mitten van Brugge hadden gesproken und bii vele redenen, de de-
sulven van Brucge daertoe gealligert hadden, so meenden se noch, dat dat privi-
legium nicht schuldich en were so breet to verstaue mer besneden, want dat
spreke van drancke den se brenghen, und wanneer wii koyte drincken mochten
sonder axise so en solden wii omme des guden coops willen nicht dan koite
willen drincken. Und begeerden daromme, dat de heren und coopmanne darmede
wolden tovreden wesen. Waerop de deken verantworde, dat anghesien
dat pont van Privilegien so clare in hem selven is so en were gheen noodT to ver-
antworden alle de redenen de en ghelievet hedden to segghene, wente se van den
ponten nicht en wolden scheiden. Und seghede en voert, dat se nicht tovreden
en weren dat se aldus de tiit mit argueren solden toebrenghen, went se noch van
gheenen eend eynde en hedden, und begheerden to wetene ere meninghe, wente
se bii eren werven dechten te doen, want se bii siimpelheden aldus lange nicht
paciencie ghehadt en hadden dane umme dat se tot des landes beste aldus in
vruntschappe versochten so en hedden se ghene ander weghe voergenomen, wo-
wal dat se nochtant betruwen, wolden se den heren buteii den leden versouken
en solde wal beter ghereetscap wedervaren. Und begheerden daiumme, dat se
de heren aldus mit argueren nicht en hilden men ere meninge to kennen gheven.
Warup na berade mit den van Brucge se verantworden, sick untschuldichende,
dat se nicht dan gued vor en hedden und mit der daet sick wolden bewisen nae
al dat se vermoghen. Und segheden, of se jet guedes tuschen de van Brucge
und den heren doen konden daer wolden se sick gherne vruntlick inne bewisen,
und meenenden, of wii noemeden enen tax wo vele tonnen biers wii des jaers
behoeveden. Daerup de deken verantworde, wii en wolden de Privilegien sulven
nicht breken, dat uns de van Brugghe antworde segheden, jae ofte neen, darna
mochte em de coopman dan richten. Van welken antworde to ghevende, be-
a) daiese dat K.
e) den umme dan umme K.
b) koe K. c) antword K d) eenen gheen AT.
Digitized by Google