Vollständiger Band - Hansischer Geschichtsverein

Versammlung zu Wolgast. — 1444 Mai 3. 59
muntlik bodeschop darumme to uns gesand hebbe, dat doch alle nicht helpen en
könne, to uns unde den anderen borgermesteren unde radmannen desser stede,
nnde wi ok juw nen antworde darup geven unde geschreven hebben, unde be-
geren van unsen borgeren unde undersaten, dat se uns daran mit ernste under-
wisen scholen etc., mit mer worden. Dat uns doch unde ok unsen borgeren, den
wi juwen breff hebben lesen laten, gancze wunderlik unde vromde wesen dunket,
na dem dat se alle wol weten und openbar is, dat umme sodane schade, schelinge
unde maninge, de de juwen menen to uns unde den unsen to hebbende unde den
wi unde de unsen ok wedder to den juwen hebben, vor den gemenen hensesteden
gesproken unde openbar vorhandelt is, unde ok antwort darup gegeven is, unde
sunderges up der latesten dachvard, dar juwer lande unde stede sendeboden, alse
van Danczeke her Hinrik Bucke, radman, van Tom her Tydeman van dem Wege,
unde welke van juwen gebedigheren, de darsulves jeghenwardighen weren 1. Up
welker dachvard to Lubeke de juwen openbar spreken umme schade unde schelinge
unde maninge tuschen den juwen unde den unsen, dar doch na besprake der
stede affgesecht wart und berecesset, also dat de sake umme schade, schelinge
unde maninge, de de juwen to uns edder den unsen unde wi nnde de unsen
wedder to dem orden, juw unde den juwen hebben, gelecht wart bi de ersamen
van Stetin und Gripeswolde, de sake na beider deile clage unde antword to vor-
borende unde uns mit recht edder vruntscop to vorschedende, dat de vorbenome-
den jnwer lande sendeboden annameden, unde na dersulven dachvard to uns in
unse stad quemen unde mit uns rameden enes dages to dem Gripeswolde to holdende,
unde den dach scholde men uns ene verendeil jares tovoren vorkundigen.
Darup wi juwen herlicheiden vaken antword nnde breve geschreven hebben, dat
wi dem dage na dem aifschedent unde recesse der stede also gerne volge don
wolden, und hebben vurder juwer grotmeticheit mit densulven breven unsen
schaden, clage unde maninge, de wi to juw unde den juwen hebben, schrifftliken
gesand unde in densulven breven ingesloten benalet, alse dat de copien unde ut-
schriffte, de wi darvan hebben unde noch vor oghen sin, clarliken utwisen. Dar-
umme juwe erwardicheit uns unde den anderen steden enen enkeden dach vor-
ramet unde vorschreven hadden to Wolgast to holdende, darup der stede sendeboden
darsulves vorgaddert weren, van Lubeke her Jacob Pramstede, her Johan
Zegeberch, radman, unde mester Hermen Somervat, in beiden rechten licenciate,
van Stetin her Voge, borgermester, vam Sunde her Otte Voge, borgermester,
unde her Alberd Junghe, radman, van dem Gripeswolde her Bertold Zegeberch,
dem wi ok also volge gedan hebben unde unse sendeboden, als her Gerd Wyman,
her Johan Odbrecht, borgermester, unde mester Johan Karlebecher, in dem geist-
liken recht licenciate, unser stad schriver, mit vuller macht to nemende unde to
donde na clage unde antword, wat den vorscreven beiden steden duchte recht
edder vruntscop wesen, als vorscreven is, up densulven dach gesand hebben, unde
weren darsulves overbodich na dem affschedent unde recesse der stede den vor-
benomeden twen steden rechtes unde vruntscop to hörende umme schade, schelinge
unde maninge, de se to uns, und oka wedderumme schade, schelinge unde
maninge, de wi to dem orden unde juwen undersaten hebben, als de dach ok
begrepen was na dem affschedent der stede, als wi ok unse maninge, so vorscreven
is, juwer erwardicheit in schrifften tovoren gesand hebben, begerende, dat so to
vogende, d a tb de juwen, de dar to körnende werden, ok vulmacht hadden uns
wedder to antworden. Des doch unse sendeboden vorbenomet in jegenwardicheit
s) ok w i K . b) dat dat K.
') Hansetag su Lübeck, 1441 Mrz. 12, vgl. HR. 2 S. 344 ff. und oben S. 56.
8*
Digitized by