Vollständiger Band - Hansischer Geschichtsverein

456
Versammlung zu Halmstad. — 1450 Mai.
6. Darna so let her Lunenborch van unser allen weghen vorstan, wodane
wis dat de kopman to Berghen hadden groten willen bewiset her Olef Nighelson,
alse ene de bunden wolden hebben gheslaghen, desghelik to Anslo unde to Tuns-
berghe, de de voghede dar ok untsettede mit groter vare eres levendes, dat se
dat underwiseden eren ghnedighen heren dem koninghe, also dat he eo der woldat
gheneten lete, uns unde se by sodanen privieleiga unde vrigheit [to laten]*, alse
se in sinen riken van oldinghes bewedemet weren unde sine vorvarenb se gherne
ghelaten hadden in Norweghen. Na besprake leten se uns antwarden, ere gne-
dyghe here de konink were noch nicht mechtich in Norweghen, wen he de crone
dar untfanghen hadde unde mechtich were, he unde sin räd wolden dat also
voghen, dat it nemende scholde to na wesen.
7. Item dosulvest lete we en segghen, wo dat unse kopman to den Ellen*
baghen van dem vaghede unde deme rade to deme Ellenbaghe worde dar vor-
waldet unde vorunrechtet, alse wen dar wol vorstorve, de in den steden to hus
horde, dar wolden se van hebben den tey[n]denc /$, van dem des doden naghe-
laten ghude, dat doch van oldinghes men 3 Schonsche mark was. Unde vorder
beswarden se den kopman mit samer unde mit winter schatte, des se doch na
utwisinghe unses priveleummes en del nicht plichtich weren to ghevende. Na
besprake so antwarde uns her Otte Nighelson unde sede, wen se ere dedinghe
ghesleten hadden, so wolden se ryden to erem heren dem koninghe unde wolden
sine gnade daraue underwysen, dat enem jewelken nicht to na scholden wesen,
unde hapeden nenen Unwillen men leve unde vrunschop mit den steden to
hebbende.
8. Darna up densulven dach vorbaden uns der beiden koninghe reder up
dat rathus unde seden uns mit endracht, unde seden uns na alse vor, wo se Ghode
to lave unde deme menen ghude to nutticheit vrede unde endracht ghemaket
hadden unde wolden dat afkundighen deme ghemenen volke. Darup lete we en
antwarden, we weren dar mit groten arbeide, mit kosten unde teringhe umme
erer beider bede willen ghekamen, wodoch dat se sik by sik sulven vorghan
hadden, dat were uns lef van herten unde behaghede uns tomale wol. Hirup
antwarde her Otte Nighelson van der rikes reder weghen unde sede, dat we
umme eres gnedighen heren konink Cristiarns unde umme eren willen mit sodanem
arbeide, koste unde teringhe dar ghekamen weren, des dankeden se un6 ghut*
liken, ere here unde se wolden dat hochliken jeghen uns unde de unsen vordenen.
In dersulven wise dankede uns her Erik Erikesson van eres gnedighen heren
konink Karies unde sines ghansen rades van Sweden weghen. Also vorkundeghede
dosulvest her Nighelsson dem ghemenen volke den vrede van dem räthuse..
9. Up den namyddach in unses heren hemmelvart dach so vorbade uns des
rikes rät van Sweden to den swarten monken in de kerken unde vragheden, oft
we ok mer to en to wervende hadden, wente se wolden van dar ryden. Na besprake
so antwarde en her Lunenborch, ere here konink Karl were deme ghemenen
kopmanne to vorvanghe unde to na darane, dat he en slote de Nü mit
sinen utliggheren, also dat ere kopman, de ere vodinghe dar pleghen to sokende,
nicht vredesam mochten dale kamen. Dat andere alse umme wichte unde mate,
dat des kopmans win plach to wesende, dat hadde ere here vorandert, dat doch
deme ghemenen kopmanne to vorvanghe were, unde bedet dat to bringhende by
eren gnedighen heren den konink, dat he dat so voghede dat it so bleve, alse
dat van oldinghes gheweset hadde. Na besprake antwarde uns her Erik Erikesson,
se wolden dat gherne bringhen by eren gnedighen heren den konink unde
a) to lat«n fehlt R. b) Torrarden R, c) teyden R.
Digitized by ooQle