Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 297
4 leden up alle ponten een beter antword mochten hebben, dat segen se gherne
up dat se den heren van den steden een beter antwort mochten inbrenghen den
se noch van en untfanghen hedden. Soe begheerden de heren van den 4 leden,
dat de heren radessendeboden noch een weynich wolden vertrecken, und deden
se na langhen berade weder incomen und begheerden van den heren radessendeboden,
dat se hiir noch een wile tiits verbeyden und bliven wolden bet to der
tiit dat höre gedeputierden de se by den heren dechten to sendene een antwoord
badden van siinre ghenaden, und bynnen den myddelen tyden so wolden se alle
daghe de ponte verhandelen und termineren de daer noch nicht gheendighet en
weren etc. De erbaren heren radessendeboden vertrocken buten der cameren
und bespreken sick und qwemen weder in und segeden, blivende bii eren ersten
proposite, woe dat se thuus gheeyscht weren und en mochten nicht langher hiir
Terbeyden dan ses eder 7 daghe, in den welken se noch mitten coopmanne
mosten besieh wesen und' ere saken overspreken und sluten dat se mit eme to
doen hadden, nychtemyn se wolden noch boven allen tghoen dat se geseecht
badden en gherne to willen und to vruntscappe bliven alse morghen en sater-
daghe, namelick upten 6 dach in aprille, den gantzen heelen dach und en manen-
dage des vormiddaghes umme alle ponten und gebreken mit en te recapitteleerne
und to verhalene, umme to beseen wat gudes se viinden conden in den saken
and wat ponte eder gebreken se willen beteren eder nicht, und na den tiden en
denken se nicht breder eder lengher de saken mit en up desse tiid to handelen,
and begheerden, dat de 4 leden dat ere andwort wolden int gude nemen. Daerup
so scheeden de vorsegeden heren radessendeboden van den 4 leden.
78. Item up de vorsegede tiid und afscheydene doe vermaende her Godert
van den Watervate van den Enghelschen lakenen, dat de coopmanne de mochte
voren doer dat lant van Vlaenderen und alumme in coerden nae inholdene des
eoopmans Privilegien, und oock vermaende he van den antworde dat eme de
4 leden solden gegheven hebben van den saken anghaende der vrouwen van
Ghistele up de eene und Johan Bumgarde burghere to Colne an dander ziide,
darumme dat he de saken vor deme Roemschen koninghe vervolcht hadde etc.
Daerup so verantworden eme de vorsegeden 4 leden, dat se den heren radessendeboden
des anderen daghes dar negest volgende darof wilden ere autwort
gheven.
79. Item upten 6 dach in aprill doe quemen de heren radessendeboden
8amentlick weder vor de 4 leden, umme to resumeren und to verhalen int corte
alle de saken und ponten de se van anbeghinne bet up desen dach mit den
4 leden wel 24 weken lang verhandelt hedden, umme beter antword van den
4 leden up alle to untfanghen. Also worden bii den heren radessendeboden alle
de ponte verhaelt und ersten so worden dar gelesen de ponten de se mitten
4 leden gehandelt und ghetractiirt hedden, daer doch gheen eyntlick andwort up
gegheven was noch datier beteringhe oif gedaen were alsset wal behoirde, und van
den anderen ponten, dar de 4 leden ere eyntlick andwort up gegheven hedden, der
antworde en weren de heren radessendeboden halff tovreden up somighe poenten
und up sommighe oeck nicht und de antworde up sommighe anderen ponten gegheven
de stonden doncker und unclaer, also dat men de menynghe und dat ver-
staen van der 4 leden in ere antworde nicht claerliken weten en mochte. Voert-
meer so weren dar noch vele andere ponten vortgestelt vor den 4 leden, de noch
opene stonden und dar de 4 leden nichtes nicht up verantwort und toeghedaen
hedden. Und doe de vorsegeden saken und ponten also allet int körte verhaelt
weren, also begheerden de 4 leden, dat de heren radessendeboden wolden en
HMmreeeme ▼. 1431—70. m. 38
D igitized by v^. ooQle