Vollständiger Band - Hansischer Geschichtsverein

Verhandlungen zu Utrecht — 1451 Mai — Juni 557
d&t bii jenigeme middel de vrede offte bestand twisschen den landen van Holland,
Zeeland unde Yreesland an de ene ziide unde den ses Wendeschen steden an de
anderen vurder utgestellet unde vorlenget worde, dat denne desulve kopmann
mach vornemen unde vorsoken umme betere havene unde gelegener platze sine
kopenschupp to hanterende. Unde so wes eme daraff weddervaret off geboren
mach, dat sal he bii munde offte scrifften witlik dön deme rade van Lubeke, de
dat vortan sullen vorscriven deme heren homeistere unde den anderen steden van
der henze, umme bii wetende, willen unde vulborde van en darinne rades to
plegende unde to slutende, also se vor dat gemene beste dan kennen sullen nutlik
unde geraden wesen.
5. Item also dat recessus to Lubeke gemaket upp den kopman to Brugge
innehelt, dat ene islike stad datselve recessus ummetrent sunte Johannis baptisten
dage opembarlik sal don utropen unde vorkundigen, unde men nu bekennen mach,
dat sunte Johannis dach so vro kumpt, dat de kopman nicht wol eme darna sole
konen törichten, gemerket dat he nu kumpt int middel van deme Andorper*
markede, hiirumme unde sunderlinges umme den kopman to besorgen vor mysval
offte schaden, so hebben de vorscreven radessendeboden de tid van der vor-
kundinge vorlenget, so dat men dat vorscreven recessus nicht opembaren noch
vorkundigen sal vor des anderen sondages na sunte Johannis dage vorscreven1.
Undev hebben darumme vorramet, dat de sendeboden van Colne datsulve in erer
stad solen vorwaren, item de van Nymmegen in orer stad unde ok to Roremunde
unde Arnhem, item de van Deventer in erer stad unde to Zutphen, item de van
Campen in erer stad, to Harderwiik, to Zwolle unde to Groningen, item de van
Wesele vor em sulven unde to Dusborch soverre des emec nod is.
6. Item hebben de vorscreven radessendeboden belastet unde bevalen den
kopmann vorscreven, offte hiir negest jenige bodeschupp off vorsftk van den Vla-
mingen an eme qweme desse zake angäude, dat he alsodane werve wol mach
hören unde vorstän sunderd darinne mit en icht to sluten; men alse he in der
warheid vornemet, dat den gemenen steden unde kopman redelicheid unde be-
scheet vor alsodane unrecht unde vorkortinge der privilegie, alse en gescheen is,
mach weddervaren, dat he ze danne wisen sal vor de gemenen stede, umme bii
middele alse vorscreven stüd6 darinne to vorseendef unde to slutende, alse en
duncke(n)« sal vor dat gemene beste geraden unde van noden wesen.
7. Item alse de sendeboden des heren homesters vorscreven geen bevel en
hadden to belevende alsodane ordinancie, alse upp den kopmann to Brugge lest-
werve to Lubeke. geramet unde gesloten sin, also se ok diit vorscreven nicht be-
leven wolden, so sint se doch vruntlik gebeden, desse vorscreven artikele gutlik
an sine gnade to bringende mit alsulker underwisinge alse se darupp gehöret unde
vorstan hebben, alse ok vurder unde breder des kopmans secretarius is belastet,
umme desulven sine gnade to underwisende alsovere, dat he umme des gemenen
gudes unde besten willen de vorscreven der gemenen stede ordinancie wille to-
laten unde bestedigen, bii siiner gnade undersaten mede to holdende, uppe dat
bii guder eendracht an allen ziiden des kopmans zaken de beth gevordert to be>
gfrliker utdracht sunder lenger vortreck mögen komenu.
a) Antworpor //. b) l’nd«? Ins tum Schluss ties litragraphn* ftklt AV/. o) «ine
fehlt K'2. d) snnder darinne nicht sso denn** ala btr Kg. t») «ta«*t /*.
f) to foreland? H. gi dunVen K, duncket h H. U) altiffflimo anniienta fugt
K2 hhuu.
') Jul . 4.
Digitized by G o o g l e