Vollständiger Band - Hansischer Geschichtsverein

202
Versammlung zu Lübeck. — 1447 Mai 18.
Den erbaren und vorsenighen wisen heren borgermesteren und
radmannen der stad Colne, unsen bisunderen guden vrunden.
Vruntlike grote unde wes wii gudes vermoghen alletiit tovoren. Erbare und
vorsenighe wiise beren. Wii ene twivelen nicht, ju heren en zii wol ter kennisse
ghekomen de handelinghe und verbeidinghe van den Enghelschen lakenen, ghe-
liick dat ghebot in Antworper market lest leden openbaerlike is utgheropen und
alle manne verkondighet und witlick ghedaen, dat de here hertoghe van Bour-
gongen na den termiine daerto ghestelt ghene Engheische lakene doer ziine juris-
dictie und ghebeide to watere noch to lande en zullen ghevoert noch ghebracht
werden, de lakene en zullen verboert ziin mytgaders der groten bote de darup ghestelt
is to verborne, we daermede bevunden und begrepen wert etc. \ welk groet-
lick bejeghent und contrarie is des ghemenen copmans van der Duitschen hanze
privilegie und vriiheiden, dat in unser macht leider nicht en was noch en is to
beterende noch to wandelende. Also hebbe wii doch van deme vorscreven heren
hertoghen gheworven de privilegie und gracie, dat de copman van der Duitschen
benze tusschen deser tiit und sunte Mertiins daghe neghest körnende de Enghelschen
lakene to watere und to lande doer alle ziine lande und stede moghen vei-
lich und vrii varen und senden sunder ghearrestiirt eder gbetovet to ziine van
emande etc., gheliick dan de copie des privilegii, so dat to Antworpe und in
Brabant in allen steden is utgheropen, hiirinne verwart inneholt und utwiiset*.
Und derghelike so hebbe wii ock up data van dessen des vorseiden heren breiff
und mit des heren vorseide Privilegien an ziinen edelen raede in Holland in den
Haghen ghesant, ornme de dar ock openbaer uttoroepene und to verkundighene to
Arremude und to Myddelborch, daer des van noeden is, up dat de copman myt
ziinen gude und Enghelschen lakenen aldaer nicht ghetovet noch ghelettet en
werden, ofiet also ghevellc, dat dar enighe quemen. Van welken vorgherorten
Privilegien [wii]a, so wii dat anderworf und starker dan dat erste was van deme
vorseiden heren verworven hebt under der stede van Brucghe anhanghende inghe-
zeghel, een transsumpt und vidimus ghesant hebt bii den erbaren Hinrike Becker
an Bertolde Qwestenberghe und daerto de copie in Duitschen van demeselven pri-
vilegium, und derghelike erworve wii de copien van den principaelbreven des
vorseiden heren, so de to Antworpe int langhe worden utgheropen, dewelke
Bertolt Questenberch und andere juwer heren stede coplude ute Antwerper
market met sick nemen na Coelne. Und hedde wii desse sake ertiids moghen
utgherichtet hebben, wii beddent ju heren ock eer overghescreven. Vorder erbare
wiise heren, so wii ju meer dan eens gheclaghet hebt, woe dat vele zeerover hiir
in der zee upten Vlaemschen stroem vor dat Zwen licghen und in Holland und
Zeeland alomme verkeren, de den copman van der henze alle tiit beroven und
dat ziine nemen, und woe vele wii dat claghen nymand en is hiir sunderlinghes
deme dat to herten ghae eder dat helpe keren. Also ziint ergisteren viif schepe
ute Pruyssen hiir int Zwen bii der hulpe van Gode ghekomen, dewelke alle
hebben mocten vechten to der doet to mitten zeroveren, der wol in 4 schepen
was to 400 manne to, und unse schipheren bii manlicheit und myt groten craften
so sloeghen se sick van en drei reise und beheilden de vittorie, dat se veilich
a) wii fehlt K.
l) Am 12 Jan. 1447 erneuerte H. Philipp das Verbot der englischen Laken vom J. 1434
und verbannte den englischen Kfm. am seinen Landen. Vgl. Verächter, Invent. des archives
— d'Anvers S. 112; v. Doren% Invent des archives de Malines 1 v. 175. *) Nach
einem hsl. Archivinventar von Köln befindet sich diese vom 27 Jun. 1447 datiremle Urk\ in
Abschrift auf dem dortigen StA, ich habe sie 1879 nicht auf finden können.
Digitized by ooQle