Vollständiger Band - Hansischer Geschichtsverein

560 Verhandlungen zu Utrecht. — 1451 Mai — Juni.
Auch den kouffman an andere ungelegene stede und unbekanten havenungen zo
legen sulde groissen schaden inbrengen und bisunder den groissen und swaer-
geladenen schiffen uys Prussen und Liifland. Auch so were sulche vorlegunge
nu zer ziit sere unbequeme, angeseen das man keyn bestant noch genszlich ende
und eyntracht en wiste myt den Engilschen, dortzo man sich mochte vorlaissen, und
auch woil zo besorgen were, daz man zo keynen ende uff dieser tagfart myt den
Engilschen komen konde noch wurde, desgliich auch noch nicht en wüsten, wie
man mit den Hollanderen staen wurde, angeseen das das bestant und frede mit
den Hollanderen nu uff Bartholomei neist uysgaen wurde, und alsus in zwyvell
und Unsicherheit adir unfreden den koufman ouch uys Flaenderen zo roefen und
myt dem herren von Burgundien unwill zo machen, sulde dem koufman zo grosem
schaden, vorderbnys und ärgsten komen, Ouch so en konde der herre homeister
in diesen sachen mit nichte gansz besliessen und volborten aen raeth, wissen und
will syner prelaten, gebietigere, landen und steten in Prussen und auch der herren
prelaten, des meisters, der gebietiger und syner lande und stete in Liiffland, die
diese sache ouch grois anrurende were. Hirumme were des herren homeisters
und syner gebietigere und syner stede in Prussen raeth und gutduncken, myt
nichte noch zer ziit den koufman uys Flaenderen zo roefen und zo verlegen, sundir
eyn jaer adir zwey noch aldae zo blyben, und bynnen der cziit mit dem herren
hertzogen von Burgundien von allen schelungen furder zo vorsuchen und zo
handelen, und auch sust uff andere bequeme wyse und gelegene stede dem ge-
meynen koufmanne zo troist und hülfe eyntrechtlich zo gedenken und zo raethen
und zo besliessen. Und alsus woren des herren homeisters und syner stede Prussen
sendeboten vliislich begerende von den anderen sendeboten der hansze, diese ere
bevelung und boetschaft im besten uffzonemen und sich hirinne also zo bewysen,
das frundschaft und eyntracht zwisschen der hanse blebe, und ouch sulche sache,
de grois und swaer were, yo mit raethe, wissen und willen derghenen, de das ouch
meist angynge, geschege und beslossen wurde, angeseen das der herre homeister
eyn heupt und beschirmer were der hansze, vord auch darvor gehalden und an-
gerofen sich auch alcziit im besten des koufmannes bewiset hatte und das gedyen
und woilfart des koufmans gerne sege, und auch de groiste und swaerste schiffe
und guttere uys Prussen und Liifland quemen. Und ap disz nicht geschege, so
versegen sy sich, das der herre homeister und syne gebietiger und stete in Prussen
disz sere unguttlich und mit unwille uffnemen wurden und auch unbiUich were,
und auch dem gemeynen koufman zo groissem schaden und verderbnys komen
wurde, augeseen das die uys Liifland auch nicht kegenwertig en weren und eren
raeth und will in diesen sachen nicht en wisten.
4. Der ander sendeboten von der gemeyn hansze antwort hiruff was disz:
Das sulche vorlegunge des koufmans uys Vlaenderen were durch de gemeyue
hansze beslossen und berecessit umme grois gedranck und vorkurtzunge der Privilegien
und friheiten desselbigen koufmannes, und sulche recess, das also durch de
gemeyn hansz were beslossen und gemachet, mochten sy myt nichte wandeleo
noch dorwidder thun. Auch were der koufman nü daruff also gewarnet und ge-
schicket, das des keyne wandelung syn künde, wente es sulde andirs dem koufman
syn umb liip und gut. Auch so were es zo viil ziiten und maelen mit
groissen und swaren kosten, muehe und boetschaften uff das hogiste an dem
herren von Burgundien und der stat Brugge vorsucht und gefordert, dem koufmanne
syne Privilegien und vriheiden zo halden und besserung vor mancherley
schade und gedranck und vorkurtzung syner Privilegien zo thun, das doch bis noch
allis nicht gescheen were noch gehulfen hette, und sulche koste und muehe und boet-
Digitized by ( g o o g l e