Vollständiger Band - Hansischer Geschichtsverein

288
Verhandlungen in Flandern. — 1447 Okt. 26 — 1448 Apr. 17.
und den van Brugge to eren und to gude dat upgehavene ghelt voi'seget to
ere[m]* segghene settenb. Darmede ginghen de leden beneden bii de van Brugghe
und deden dair de heren und des coopmans ghedeputierden bii sick comen in
schepene kameren, dar do meister Claves Langhebaert 6egede, dat bii under-
sprekene van den 3 leden de wet van Brugghe were tovreden ende wolden van
nu vortan den coopman van der hense ghunnen vrii to drinckenen allerleye
dranck wtghenomen wiin sonder siise of jenigherleie unghelt to ghevene. Und do
segede meister Johan Reem van Ghend, dat de heren oeck solden tovreden wesen
van den achterstellighen® ghelde und darof nicht meer eeschen of vormanen,
welck de vorsegeden heren ter bede van den leden und to eren den van Brugge
also to sick nemen und tovreden we[r]end. Und darmede scheden se van danne1.
67. Item upten 13 dach in meerte weren de heren radessendeboden mit-
gaders des coopmans ghedeputiirden vergadert upt ghiselhuus mitten 4 leden,
daer de deken eerst vortstellede, dat de heren hedden untfanghen [de* scriffite]
de de lede vorseget verramet hadden up de ponte de verhandelt weren. Dar in
erer jeghenwoerdicheit qwam de vrauwe van Ghistele, de bii her hadde den here
van Buggenholt, Peter Leestmaker, den bailiu und schoutette van Brugge, her
Jacob van der Bursen und meer anderen. Vor welken meister Clawes Lange-
baert verhaelde int lange de gebreken de vortghestelt ziint bii scrifte und munde
up te tolners to Brugge und desgeliken de weghers, alse sunderlinghe up Jacob
Ruebs. Wairto de vrouwe dede verantworden, dat se begheerde de vorsegeden
gebreken und ponte to hebbene in scrifte namelick in Walschen, dat er toghesecht
und belovet was, und also lovede se des 15 daghes alse des saterdaghes antword
to ghevene. Und alsse se van danne ghescheiden was, do segede meister Clawes,
dat de scrifte van den ponten de bii munde verhandelt siin des dages rede
werden solde, und begheerden daerute desgeliken antwordt te hebben up de gebreken
de se over hebben gegheven. Waerto de deken verantworde, dat to
Ghent gesecht were dat de radessendeboden nicht van hiir scheiden en wolden
vor dat se antwert hadden gegheven, unde na den bescheiden dat en noch van
den leden wedervaren were so en duchte en nicht orberlick enighe andwort to
gheven want darmede ere eghene werve solde worden ghestuert, und seghede
mede, hedden se bescheit dat se ghepait wesen mochten, de antwerde were ge-
screven und al reede.
68. Item upten 15 dach in meerte weren de heren radessendeboden mit*
gaders des coopmans gedeputierden vergadert upt ghiselhuus mitten 4 leden,
daer de deken vortstellede, dat de heren hadden untfanghen de ghescrifte de de
lede verraemt hadden, under welken ene were anghaende den ghebreken ghedaen
bii den officiirs des heren, datte vorsegeden leden over lanck ghelovet hadden to
vervolgene an den vorsegeden heren, alse int erste dat de here to Risele comen
solde, und darnae hedden se tydinge, dat se de here to Bruesele hören wolde,
dar doch al nicht van en qweme; und umme dat men verstaen hedde, dat se
des also nicht en versochten alse gelovet hadden, und ock nae horenseggene de
here nicht in meninghe were to horene, so begheerden de heren radessendeboden
to wetene, wat ere meeninghe hiirin were und warto se sick mochten vertaten,
want se up alsodane maten hiir nicht en dechten langhe to legghene, mit meer
woirden de daertoe verhaelt worden. Waerto meester Clawes Langebaert verhaelde
und antworde, dat de leden nu so wal eens und tovreden syn mit hären heren
a) ere A". b) to setton K. c) achterstellinglie K. d) wasea JT.
e) de scriffte fehlt K.
0 * Vgl, n. 346.
Digitized by L ^ o o Q i e