Vollständiger Band - Hansischer Geschichtsverein

Versammlung za Lübeck. — 1450 Sept 21. 477
ungelugkes czu hus, das si is nicht dorffen aus suchen. Ouch so synt nu al di
Franczosir und di Bretunys czu hus, di vor dem Swen und im Swen logen, ouch
so meyne ich wol, das si 6 adir 8 holken nicht thun sollen von Prusschen schiffen,
wen si bi enandir weren, wen si han al deyn schiffe. Ouch here genediger ist
das wor, so ich euwirn genoden vor geschreben habe vom bischof von Cziczister
und vom hern von Sutfolk, synt beide smelich getotit, und dem bischof von
Lynkol ist ouch vorgeben.
Item genediger liber here, so ich ouch euwirn genodyn mu[n]tlich* ge-
clagit und ouch geschreben habe, wi mich myn brudir czu grossem schaden gebrocht
hot, und sicher mich mir wen um 2000 gebrocht hot, so hot her mir in
Schriften gegeben in Prussen und hot mir in rechenschaft gebrocht, wi das dor
in Engelant noch etliche gutir stunden bi eynem guten man, und di gutir tragen
wol of 400 nobiln Engelisch, so das ich demselbigen guten manne geschreben
batte, um das beste czu thun bi den gutirn und di vorkofte ir ich in Engelant
qweme, so das ich im ouch geschreben hatte um ein sawekondit, um czu reden
mit dem hern kenczeler. So here genediger, her mir wedirgeschreben hot, das
ik kyn sawekondit nicht darf und'wol sicher in das lant von Engelant komen
mag ungehindert, als von das orley wegen, und ouch hot is mir Niclos Hirsberg geschreben,
sundir als von schulde wegen, di myn brudir dor schuldig ist, di mus ich
beczalen, so ich en den in Engelant gelegit habe und vor en gelobit und myn dyner
do ist gewest. Und als ich vorneme und man mir schribet, so ist her mir dor schuldig
wen 300 nobiln, und dorvon hot her mir ny gesagit, sunder her hot mir synen
brif von syner hant gegeben und vorsegilt mit synem segil, das noch di wäre dor
steit czu Londen und di wäre synent halben dor unbekümmert sal seyn. Nu schreibet
mir der man, bi dem di wäre steit, her dar si nymant weisen, is das is di schuldiger
gewar worden, si worde in syner hant gerostirt und gefordirt mit rechte, und
si were lange'noch prophit vorkouft, het [myub brudir nicht] syne schulde gethon di
her dor im lande schuldig ist. Ouch so habe ich hir in Brugke 10 wochen gelegen
und habe mir wen 4 U grote vorczert, und hette schir myn reise gethon, het ich
gedorst in das lant von der schulde wegen. Ich habe sorge, is sulde mir dor so
gehen von mynes brudirs wegen als is gink dem hern grosscheffir von Schenkildorf
wegen1. Und ouch hette ich wol gehoft, wer ich dor in das lant gewest, ich
wolde jo dorczu geret haben czum heren kenczeler und czu andirn heren, mit
den ich wol bekant byn, so ich den in vorczeiten hovegeseynde in Engelant gewest
byn, of das si sendeboten an euwirn genoden gesand hetten. Idoch so mus
ich is jo wogen im namen Gotis, wen sich ag di gemeyne gestillet und czu reit,
und wil im namen Gotis kyn Engelant und wil czu holffe nemen des heren ko-
nigis czu Polen betebriffe an [den]* hern koning czu Engelant, die of Niclos
Hirsberg und of mich lauten. Und werde ich den müssen myns brudirs Elias
scholt beczalen, so hoffe ich jo, das ich so vil gutir dor im lande czu han, das
ich nicht darf dorum in gefengnisse gehen. Sunde[r]d ich bethe euwir genode
demutiglich, genediger liber here, um anczusehen myn cleyne kinder und myn
husfrauwe, und ouch anczusehen den schaden, den ich vor von mynem brudir
Elias entphangen habe, und das euwer genoden in lossen wolde vor euwir genoden
vorbotten und das her euwirn genoden borge seczte, ap ich in Engelant
in irkeynen schaden qweme von syner schulde wegen adir icht vor in beczalen
muste, däs her mir das ofrichten muste, do bethe ich euwirn genoden demutiglich
a) rautl ich K, b) myn — nicht fehlt K. c) den fehlt K.
d) snnde K.
*) Vgl. S. 143 A. 3.
Digitized by ooQle