Vollständiger Band - Hansischer Geschichtsverein

212 - Verhandlungen xa Kopenhagen. — 1447 Jun. 26 — JuL 11.
antwerde des kopmans olderlude van des kopmans wegen unde van der ampte
wegen, de kopman und de ampte wüsten van nyme uplope edder samholde
sunder se helden sik tosamende alse vrame lude up der stede privilege na love-
liker wanheit nicht yeghent recht unde weren ok nicht to harnssche weset up
nymande. Unde de oldernian vorbod vort den kopman unde amptlude kleen
unde grot, offt dar yemand were he were junk odder olt, de den kopman ofte
de ampte samentliken odder enen yszliken besundergen den jungesten odder den
oldesten worumme schuldigen, dat he om entyeghen daen helft myt worden myt
werken odder umme rechtverdige schulde odder myt siegen blud odder blaw
odder umme alle anderhande sake, uthgenamen de sake de geschaten syn, wy
samentliken de jungeste myt den oldesten besunderliken schal orne al doen wat
recht ys, wol klagen will de gha hyr by uns staen, wy willen om all dat doen
dat recht ys. Alse was dar nymand de den kopman odder de ampte odder
ynigen personen besunderen odder samentliken schuldegede sunder de losse un-
waraftige zedele dar nynerleige bewisinge by was. Furder up den uthvarley-
tanger des kopmans unde der ampte unde der ampte bortleitangher unde up de
vorgescreven broke wolden sick des kopmans olderlude myt oren frunden umme
bespreken, men se seden, dat sulk enen schad se odder de ampte nywerle ute-
geven hebben unde weren des ok nicht plichtich na orer privilegie lude den
steden confirmeret.
13. Item wart des kopmansz olderman wedder vorbadet up de Steven up
den neghesten donerdach to wesende. Do vragede de lochman dem oldennanne, wor
he van des kopmans wegen wolde recht doen unde van der ampte wegen; do sprak
de olderman ya, de kopman scolde recht [doen]a samentliken unde besunderliken
unde ok dergelyk de ampte, unde bod den kopman unde de ampte to
rechte so he vorhen gedaen hadde am dinstedage. Do thoch do de lochman
de zedelen echt her unde lass de unde vragede, wor de kopman unde de ampte
up sulke zedelen wolden recht doen. Wy wüsten van nyme uplope edder samholde
furder wen tovoren gescreven steyt, van der ändern puncte, alse van dem
uthvarleitangher des kopmans unde der ampte unde der ampte bortleithangher,
dar wolde wy des ändern daghes der stede privilegie yeghen den bref den se
darup hadden bringhen, welkes brefe Hinrik Grave ene copye van heft so vorgescreven
, alse schaten des kopmans olderlude sulke sake vor den koninge unde
de stede unde der rike rade. Do rosterde de lochman uns unde de ampte unde
alle uns8e gud unde schepe nicht uth dem lande to stedende eer wy recht gedaen
hadden, wy vorboden uns to rechte dat mochte uns nicht helpen. Unde eyn van
des kopmans hovedluden sprak, dat me uns darby blyven lete by den puncten
de geschaten weren vor den koning unde de stede unde by den privilegie, uns
worde bange nuch an unseme rechte, were wy wor Unrechte ane, wenn wy quemen
vor den koning unde de stede. Do sprak de lochman, de tiid scolde drade
kamen uns altomale bange nuch werden. Unde do ghingh de buvaghed to unde
vorbod unssen ampten ere ampt nicht to brukende, und vorbad aider degherst
den backers umb nicht to backende, den bartscheren uns odder de unssen nicht
to scherende, den schomakern, den schynren, den scrodern, den goltsmeden ore
ampte etc.
14. Des vrydags quemen des kopmans olderlude up de steven myt der con-
firmacien unde myt den hovedluden van den ampten, unde eyn yslik bod den
synen dar to rechte alse des kopmans olderlude vor gedaen hadden, unde leten
de confirmacien lessen der stede privilege. Dar las de lochman enen van den
a) doen fehlt L.
D igitized by G o o g l e