Vollständiger Band - Hansischer Geschichtsverein

Verhandlungen in Flandern. — 1447 Okt 26 — 1448 Apr. 17. 267
33. Item upten 23 dach in januario vergaderden de vorsegeden 20 personen
weder by ene upt ghiselhuus, dair de deken overleverde ene andere cedule, so de
bii den heren radessendeboden und den coopman eyntlick gestelt was omme dar-
bii to blivende. Welke cedule, alse de gelesen was, de 4 leden gantz heel und al,
bii redenen de se dartoe allegierden, wedersegheden und straffeden, so dat under
woirde und under wederwoorde und umme dattet ock hoghe upten dach was de
sake weder wtghestelt was bet des anderen daghes umme vorderen raedt darup
to hebbene.
34. Item upten 24 dach in januario qwemen de vorbenomeden 20 personen
tosamen upt ghiselhuus, daer de deken segede, wo dat de radessendeboden
samentlick hedden raet ghehadt up de sake angaende den banne und na den last
' und bevele dat se van den ghemenen steden van der hense hedden, hadden se
nu ten nauwesten ere uterlike meninghe in een cedule gestelt, de he den 4 leden
overgaff, und begeerden, dat se en dar en eyntlick antword up gheven wolden,
want de stede van der henze dar nicht vorder ondergaen en wolden, in alsovere
als de coopman bynnen Brucge solde verkeren, want daer deme coopmanne der
saken meest van noden wäre to besorghene etc. Welke cedule alsse de 4 leden
de overlesen hadden segede meester Clawes Langebaert, dat de sake nu breder
und wyder van ene were dan se vor ghehandelt were ghewesen, und nademe de
radessendeboden bi der cedule eyntlick wolden bliven, so en eonden se en dairup
gheen vulkomen antword gheven, men moeste dat elck an sinen heren to huus
scriven. Dairup de sake van den banne doe staende bleeff und worden sament-
lick eens, dat se binnen den tyden dat de antworde wedercomen solde upa dat
pont van den banne vort wolden de andere gebreken achtervolghen und handelen,
umme daeroff eens to werdene of se mochten. Und darmede scheden sii van ene.
35. Item hadde de stad van Leyden zekere deputierden to Brucge gesant,
umme mit den heren radessendeboden to verhandelen van der sake anghande der
draperie in Holland etc. Und want de van Amstelredamme und van Schedamme
hiir nement gesent hadden, den de zake gheliick den van Leyden aengaet, und
oock den gedeputierden van den anderen steden uut Hollant, umme dat ere cre-
dencien nicht noogaftich en waren, ziint uutgestelt to den vorscrivende der radessendeboden
vorseget, so worden de voirsegeden van Leyden upten 24 dach van
januario ock wtgestelt ter tiit dat se mit den van Amstelredamme und Scheedamme
samentlick qwemen ofte dat en de vorsegeden radessendeboden dat vor-
scriven hiir weder to komende.
36. Item upten 26 dach in januario weren de voirsegeden 20 personen weder
vergadert upt raedhuus, dar doe de deken vornam dat derde pont angaende [den]b
zeerove\ warup he begherende was, naedeme diverse personen beyde schipher und
coopluden den ghemenen steden van der hense claghet hadden dat se so jammerlick
upten Vlaemschen stroem waren berovet, of se ock den steden und den coopman
de Privilegien wolden holden, dat den genouch worde gedaen, und ock
vortan bestellen, dat des nicht meer gheschee. Dairto meister Clawes Langebaert
verantworde, dat de leeden anders nicht en meenden dan se de Privilegien wolden
holden, und las dar twee ponten van Privilegien darto denende, und vragede, of
a) upt K. b) der K.
*) Diese sich immer erneuernde Beschwerde, vgl. HR. 1 n. 391 § «5«5, ist in der Klage
§ 22 unter Namhaftmachung von 11 (ende vele meer andere) beschädigten Schiffern wiederholt
Die Lede hoben hervor, dass sie allein dem Unwesen nicht zu steuern vermöchten, want tin-
commene van der havene ter Sluus is uter groter wilder see, dair elck comen ende wesen mach
onbegrepen, und versprachen darüber mit dem Hg. verhandeln zu wollm.
3 4*
Digitized by v ^ » o o Q L e