Vollständiger Band - Hansischer Geschichtsverein

Versammlung zu Lübeck. — 1447 Mai 18. 193
gnade. Unde an weinen se mysdunken, scliolen unde mögen se vor ziik vorboden
unde darup eeden.
73. Item uppe dat punte van der borgerschup to gelden, alse vorscreven
steyt, so is vorramet unde gesloten, dat dejenne, de de borgerschup also gelden,
der frygheit unde Privilegien nicht gebruken en scholen, yd en sy denne sake,
dat se in ener hensestad hues unde hoff hebben unde dar beseten vuer unde roek,
dat to holdende unde to vorwachten liik dat gewonlik is in der stad van synen
medeburgere. Unde weret sake, dat ymant de borgerschup in yenigher hensestad
gewunnen hadde unde ein also nicht gelegen were, hues, hoff, roek etc. alse vorscreven
steyt aldar to holdende effte to besyttende, desulve schal der frygheit
nicht gebruken noch privilegie in Engelant, he en sy 7 jar lanck borgher ge-
veset in der hensestad. Unde we denne aldus dede, de schal des ene certificacien
van der stad bringen an den copman van Engelant edder dar men en der privilegie
schal laten bruken.
Item hir ynne scholen wesen utg&scheden, de men nicht entfangen schal,
Engelsche, Holländer, Seelander, Vlamynghe, Brabander unde Nurembergher.
74. Item so is overgedragen, dat so wata copman van der hense, de in
Engelant hantere[t]b unde deme copmanne doet wat he eme plichtich is to donde,
dat me deme bistandicheit doen schal myt des copmans rechte, soveme syne
sake rechtverdich is. Unde de alderman schal darto mögen gebeden dengennen,
de em darto bevellich dunken, deme manne bistendicheit to donde uppe penen
twintich schillinghe. Unde he schal ok sulven medegan soverne he nene andere
sake to donde hefft de bewyslik sin; unde de broke darvan kamende schal me
nymande togheven.
75. Item weret sake dat de alderman offte degenne de darto vorbodet
«erden, umme sodanner sake willen edder umme sodanne sake willen des copmans
recht andrepende, des behalven in schaden quemen, den schaden schal de
copman betalen. Unde de copman schal alsulke sake angrepen myt ernste unde
schal nicht staden, dat men ymande darumme overvalle dem anderen syme rechte
bistendicheit to donde unde darmede afftobringende de mentonancie, de me nu
dagelix up den copman vorvolget.
76. Item worde ok en copman to lande off to watere berovet, deme manne
schal me helpen to syme rechte. Unde weret dat he nen gelt hadde to betalende
dat vorvollich, so schal de copman de koste vorleggen unde nemen de wedder
van den guderen de men wedderkryghen schal van deme~vorvolghe.
77. Item weret sake dat ymant beswaret worde van den officieres des ko-
ninges myt enighen nyen tollen tegen des copmans Privilegien to ghevende, den
tollen schal nymant utgheven, wo klene he were, uppe de pene van vertich
Schillingen. Unde weret, dat he darumme in schaden queme van des koninges
officieres wegen, den schaden schal eme de copman helpen dragen.
78. Item alse de stad Zuthampten in Engelant van deme copmanne mer in
tollen nympt wan men doet in anderen steden in Engelant, so hebben de stede
overensgedragen, dat nen copman off schipman de stad myt syme gude vorsoken
schal, wente so langhe dat se den copman sodanner frygheyd bruken laten alse
andere stede in Engeland doen, under der penen van vorlesinghe so vele gudes
alse enich man dar voret, wellich vorvallen schal der stad off den alderluden
des copmans, dar he erst tokamet. Unde weret dat ymant van der hense
sodanne havene yegen der stede ordinancien vorsochten, de scholde me in dessen
steden nicht liden by penen vorschreven. Ok schal me scryven van desser sake
a) »o wat de £.
Hansereeeese r. 1431—76. III.
25
D igitized by