Vollständiger Band - Hansischer Geschichtsverein

216
Verhandlungen zu Kopenhagen. — 1447 Jun. 26 — Jul. 11.
heiden unde rechtigeyden mochten bliven; dar se den transumpte effte den vidimus*
in Latine besegelt unde im Dudesschen unbesegeld hadden, byddende sine
gnade, dat he de wolde hören. Darto de vorscreven here koning leet dorch den
strengen heren Otte Negelsson, rittere, antwerden, dat men en alsodane trans-
sumpte by zyck wolde laten overseen, se wolden se ene wol wedderdon. Dar-
umme sik de stede bespreken unde volgeden dem heren koninge darinne na
sinem begere.
3. Item alse de vorscreven here koning unde siner rike redere angeseen
hadden de lenge unde velheit der vorscreven transsumpte, let de here koning der
stede sendeboden wedder vor sick komen, dar her Otte Negelsson, de do des ko-
ninges word heit, uthsede, de transsumpte weren lang, se en konden se kortliken
nicht overseen, se mosten dar mer tyd to hebben. Des ene over ward gevolget.
Dar sede vort desulve her Otte, dat de Dudessche kopman wol künde vele klagen
unde sines heren gnaden armen luden kundenb nicht clagen, darumme hadden se
des to achter. Unde sede vord, dat de stede ere clage van des gemenen kop-
mannes unde erer wegen in scriften scholden overgeven, dergeliken scholden sines
heren gnaden vogede unde de sinen don wedderumme, dat de stede annameden.
4. Item des middewekens darna, nameliken in sunte Peters unde Pawels
avende1, quemen de genanten stede sendeboden des morgens na achten to Kopen-
haven uppe des doms kerkhoff, dar des genanten heren koninges rad, myd
namen her Otten Negelsson myd synen medekumpanen, quemen tosamende. Dar de
velebenomede her Wilhelm anhoff unde sprack: leven heren, alse latest dat ave*
schedent vor unses heren koninges gnaden is gewesen, dat wy des kopmannes
unde unse clage in scriften scholden geven, so scholden de sine don dergeliken,
aldus so weren ere scrifte rede, de wolden se gerne overantwerden, soveme ere
scriffte ene dergeliken wedderumme overantwerdet mögen werden. Darto her
Otte antwerdede unde sede, ere scriffte weren rede, unde overantwordede* de
scriffte her Wilhelm, de eme der stede scriffte wedderumme overantwerdede.
Unde sede, syn gnedige here scholde damp antwerden in scrifften unde se scholden
dergeliken in scriften up sine overgeven scrifft antwerden.
5. Item darup antwerdeden de vorscreven sendeboden na berade, scrifft
umme scrifft overtogevende were en nicht bevalend unde se en weren darto ok
nicht utgeret, wendde se hadden nene doctores myd sick gebracht sodanne scrift-
like antwerde to vorramende unde to makende, men dat he myd synem gnedigen
heren spreke, dat se muntliken darup mochten antwerden unde des to eme ende
komen. Darumme her Otte wedder gingk by synen heren den koning. Item
quam her Otte wedder unde sede, dat syn gnedige here der stede sendeboden
gerne uppe ere unde der siner scriffte wolde hören.
6. Item des middewekens under maltyd dessulven midwekens bod her Otte
vorbenomet® den van Lubeke in de herberge, se entdorstenf sik uppe den dach
nergene na richten, wente sines heren gnade künde uppe den dach sick dar nicht
to leddigen.
7. Item des vridages na sunte Peters unde Pawels dage8 do quemen der
genanten stede sendeboden des morgens to achten wedder vor den heren koning,
dar de velegenante Wilhelm, borgermester, wedder anhoff, seggende: gnedige here
koning, alse latest dat affschedent tusschen den strengen her Otten Negelsson
unde ander juwer rike rederen van juwer gnade wegen unde uns der stede
a) Adenaus WS.
d) io bevalen WS*
*) Jun. 28. *) Jun. 30.
b) künden WS, knnde Wl.
e) vaken genomet WS.
c) overantwordeden Wl.
f) en dorfften WP.
D igitized by Google