Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 285
gadert boven upt ghiselhuus und darumme ghinghen de heren radessendeboden
und des coopmans gedepatierden beneden in de biikamere, daer se de 3 leden
vonden, tod welken sekere schepene van Brügge quemen, unde alse [se]* mit den
3 leden ghesproken hadden ginghen se weder in de kamer. Und doe ghaven de
drie leden weder den radessendeboden to kennen, dat en samentlick noch ghe-
raden duchte, dat men die sake van den axise van den biere nicht vor de dekene
en brochte men dat men dat wolde stellen an den heren omme ene interpretacie
darof te nemen. Dartoe de deken verantworde, dat niemant van en allen so
koene en were de siek des mechtighen wolde of dorste in den Privilegien dat
mynste pont overtoghevene of darinne wes te consentierne, went al weert so dat
se dat wt gueder meninge deden und dan de here of anders wie daeijeghen
wisede, so en solden se bii eren live nicht weder dorren to huus komen. Welck
de drie leden den van Brugge also te kennen gheven und quemen weder segnende,
dat de van Brugge in der besten voegen se mochten de saken den dekene
updoen und dar nicht intrecken dan alse de gelegen were. Vorder en was up
de tiit daer nicht gedaen.
63. Item upten 8 dach in meerte weren de radessendeboden und des coopmans
ghedeputiirden weder vergadert mit de[n]b ,vier leden upt ghisel[huus] ct
daer de deken vortstellede 3 ponten, to wetene van den gelde dat Johan Cley«
borst und Johan Casemarct in den wouker betaelt hebben, van Willem Joos de
Arnd Smelinghe van Nymweglien ziin een hant offhouw, und van Gherd Mar-
quardes stocvische. Daerto de leden entlick verantworden, wes men bii certi-
ficacien of gueder informacien conde bewisen, dat de vorsegede Johan Cleyhorst
und Johan Kasemaerket in den wouker betaelt hedden van guede dat en was
gestolen, dat men en dat weder solde doen gheven; und bleven noch bii erer
antworde de se in scrifte over hadden gegheven [van]d Willem Joos, naedeme he
darumme to Brugge gebannen was und nu gestorven were so en wisten se nu dar
nicht meer to to toen, ten en were dat ycmant van sinen1 maghen des vorsegeden
Willems erfghenamen anspreken wolde, den solden se gherne recht und wet laten
wedervaren. Und van Gherd Marquardes wolden se sick mit enen sekeren antworde
untledighen, doch umme underwises willen [dat en]® gedaen was, dat de
leden dairinne geholden syn, so wolden se sick darup vorder bespreken.' Und
darnae stellede de deken voert de ponte van Ghisebert Wyting und Gillis Bollet,
dairto se verantworden, dat se de wiinaxisers und denselven Gillis teghen des
anderen daghes wolden doen verboden. Vort ghaf en de deken to kennen van
den thuur de de scipluden hebben, daer de coopman inne belet wort, und van
den Inghelschen weghehuus, dair de coopmanne gebreck inne bevonden heeft, und
dat se oock drincgelt boven hair loen hebben willen2: dat se oeck beloveden to
doen verboden jeghen des anderen daghes. Und darnae vermaende de vorsegede
deken weder van den tolnaers, darto ze verantworden, dat de vrouwe van
Ghistele selve de saken wolde comen to verantworden en diinxdaghe neghest
comende. Ock was to kennene gegheven, woe dat een voederer ghenoempt Johan
Bernaert hedde untamelick mit woirden mishandelt Olrick Volkemerade sunder
redenen, den de van Brugge oeck beloveden te doen verboden teghen des anderen
daghes; und dairnae int leste was oock vermaent van der eninghe, dar de leden
to verantworden, dat se wolden sowal spreken mitten Jenevesers alse mit eren
burgheren. Und dairmede scheiden se van danne.
a) se fehlt K. b) dem K. c) ghisel JT. d) Tan fehlt K,
e) dat en fehlt JT.
*) Seil. Smelings. *) Beides in der Klage nicht berührt.
Digitized by ooQle