Vollständiger Band - Hansischer Geschichtsverein

292
Verhandlungen in Flandern. — 1447 Okt. 26 — 1448 Apr. 17.
de van Brugge ere vertreck und bespreck nemen tot des anderen daghes. Und
doe was en vermaent van Ghiseberth Wytinck und van Gillis Bollet, desgheliken
van den piinres dat de mede mochten trecken to Berghen upten Zoom sunder be-
griipe1, dat se oock wtstelleden tot des anderen daghes. Ock was dar wat han-
delinge van der sake van Rostocke, men de waert ock wtghestelt omme an
beiden siden to vertastene, of men daer enighe composicie daerof mochte maken,
und men solde dat des anderen daghes weder inbrenghen. Und darmede scheiden
se van danne.
73. Item upten 20 dach in meerte weren de heren radessendeboden mit-
gaders des coopmans ghedeputierden bii de 4 leden vergadert upt ghiselhws und
der vrouwen van Ghistele vrenden, daer de deken van Lubeke wedersprack de
antworde de de vorsegede vrauwe van Ghistele hadde doen gheven up des coopmans
ghebreken, alse namelick viiff ponten, myt vele redene daerto denende. Und
doeselves waert upghedaen een nye pont, dat de tolners van enen, oeck van Colne,
ghenomen hadden 6 pond groten to boeten. Daer dersulven vrouwen vrende noch
up verantworden, blivende bii erer erster antworde, dat se den coopman gheen
ungheliick ghedaen en hedden, doch spreken de 4 leden so vere van beziiden,
dat de tolners beloveden vorder gracie to doene in den lesten broke alse 6 pond
grote, und wolden ock des coopmans vrenden siin in den kisten to vertollene,
und mena solde den coopman nicht verunrechten in der wagene. Nichtemyn de
heren radessendeboden en weren der antwort nicht tovreden. Und darnae was
dar weder gesproken van den oliiepipen, dar de van Brugge in scrifte ere ant-
wordt overgheven und begheerden, dat de coopman enighe daertoe voughen wolden
, de mitten ambochte van den cupers etc. handelinghe hedden up de grote
van den oliiepipen und wat dar anclevede, welck al doe ghesecht was to doene.
Vorder segheden de van Brugge, dat Gillis Bollet solde liggen in henden van
schepene 6 Riinsche gülden und dairup solden schepene wet wisen tuschen cme
und Johan Oesterman. Ock so hoirden de leden spreken de axisers van den
wiine und galeyne van den claghe van Ghiseberth Wiitinck, men de burgermeester
van Brugge segede, seb mosten sick van der sake bet doen informeren. Und doe
wort den leden up ere gebreken antworde in scrifte weder gegheven mit pro-
testacien bii munde, alse oock deselve antworde hevet begrepen. Und dair
scheeden se mede van danne.
74. Item upten lesten dach in meerte hedden de van Brugghe de heren
radessendeboden mytgaders den alderluden und denghennen de van des coopmans
weghene mitten heren to rade gaeu to ghaste und hadden ock gebeden de nota-
bilen van Brugghe, bailius, schultetten etc.
75. Item upten derden dach in aprille weren de heren radessendeboden mit-
gaders des coopmans ghedeputierden bii de 4 leden vergadert upt ghiselhuus,
daer de deken eerste danckede den van Brugge vor de maeltiit und coste de se
on und omme eren willen gedaen hedden, und seghede doe vortan, woe dat de
leden to dreen tiden den radessendeboden hadden toghesecht, dat se bi den heren
solden trecken umme des coopmans gebreken to remediirne, dar doch noch nicht
nae gevolghet en were, und nademe deselven lede so wisse und vast nu lest
werf hadden toegeseecht, dat de here acht daghen nae paeschen solde wesen
to Itisele, daer hi se bescheidet hadde und hören wolde, dat oeck also nicht ghe-
scheen en were, so begheerden de heren radessendeboden to wetene der lede
meninge, waerto se sick mochten eyntlick verlaten, myt meer anderen redenen
a) und en solde men K. b) so mosten se A*.
’ ) Dieser Punkt wird in der Klage nicht berührt.
D igitized by ooQle