Vollständiger Band - Hansischer Geschichtsverein

9
505. Recess zu Lübeck. — 1449 Apr. 4.
Verhandlungen zu Lübeck. — 1449 Mre. 389
G. Recess.
D au« StA Danzig, Schbl. X X V I n. 38, ernte Lage, vgl. n. 504t, f 5 b — 7, dieselbe
Hand, xoie in n. 504 § / ff.
Witlik sy to der ewigen tuchnisse desser nagescreven dinge unde eme je*
welken de desse schrifte wert sende ofte hörende lesen, dat in dem jare unses
hern noch syner gebort 1449, des negesten vridages vor palmen bynnen der stat
Lubeke op dem rathus darsulves ersehenen unde to dage weren vorgadert de
gestrenge unde erwerdigen manne, heren Robertus Schotzbrok, ritter, und Richar-
dus Canton, doctor in beiden rechten etc., des irluchten vorsten unde heren,
heren Hinrikes von Godes gnaden to Engelaut unde Frankrike koninges und
heren to Ybernien oratores unde sendeboden uppe de ene, unde de erwerdigen
unde erbaren manne, hem Johannes Aest, doctor etc., pastor to Thoren, Johan
van Vipich, voget to Lawenborch, beide hem Dusches ordens unser leven vrowen,
Reynolt Nederhoff, burgermester to Dantzik, unde Georgius Rover, ratman to
Elbing, des erwerdigen unde grotmechtigen heren, hern Conrad van Erlingshusen,
homester Dusches ordens des landes to Prusen unde der stede dessulven landes
sendeboden; Diderik Lunenborch, borgemester, Hinrich Lopouwe, ratman, unde
Johannes Rotgeri, [sjecretarius* to Homborch; Niclaus van Lubeke, ratman to
Rosteke; Otte Vöghe, borgermester, unde Alleff Greverode, ratman tom Sunde;
Peter Wilde, borgemester tor Wismer, unde de erbare rat darsulvest to Lubeke
oppe de ander side, umme to tracterende unde vorhandel[en]b van ichteswelken
gebreken, schaden, injurien, weddermakungen unde reformatien itliker vriheiden
tuschen den vorgenanten heren, hem Hinrike koninge van Engelaut etc. unde
siner konikliken genaden undersaten van enem, unde dem obengenanten grotmechtigen
heren heren homester, syner herlichede undersaten, den ergerorden
unde anderen steden van der Duscher hense van dem anderen dele, undertwischen
geschein, gewracht, gebroken unde opgestan. Welke heren so vorgerort is vorgadert,
nademe dat sey nicht concorderen unde eynsdregen künden uppe de
macht undertuschen, hebben vorramet ener anderen dachvart op de vorgerorden
punte te holdene in wysen unde maniren nagescreven.
1. Int erste hebben se tracteret, gehandelt ok concordiret unde ensgedragen
in unde op de tiit unde stede der ergerorden dagevart, als uppe Johannis bap-
tisten negest körnende vort over twe jar in der stat Deventer im stichte van
Utricht belegen by beschede unde belevinge hir navolgende. Unde is to wettende,
dat de vorgenanten heren radessendeboden van Hamborch, Rostok, Stralessund
unde Wismer van wegen ere redere de vorgerorden dachvart slichtes nicht hebben
angenamet sunder sey willen dat brengen by ere redere, ordenirende, dat ere
redere bynnen 14 dagen na data desser schrift dem rade to Lubeke en ant-
werde sollen schikken, welke rat denne sodane antwerde unde ok ere sulves
antworde den vorgenanten sendeboden des heren koninges van Engelant sal witlik
don, sik darna to lichtende.
2. Vortmer na desser ensdregunge hebben desulven heren beyde vorgerorden
dele undertuschen mannichvoldige handelinge unde tractate gehat op de wyse,
alse dat an beiden siden stan solde in den midelen tiiden, wante de oratores
unde sendeboden des heren koninges van Engelant vorgeven unde wolden, dat in
den midelen tiiden de kopman des rikes to Engelant solden seker unde velich
a) cecretarins I). b) vorbandelingen D.
Digitized by G o o g l e