Vollständiger Band - Hansischer Geschichtsverein

Verhandlungen zu Lübeck. — 1449 Mrz. 879
dat [dat]» geholden wert, so willen sey alsdan mitsamt den anderen hensesteden
spreken unde togader komen, dat en dan wedder geholden w[orde]b so vere als
dat in ere macht is. Dar de Engelschen wedder op antwerden, wat de puncte
unde artikel weren darover men clagede, de en nicht geholden en werden, unde
begerden de in Schriften. Do worden en de artikel in Schriften overgeven sun4er>
lix van der wullen vachten1 unde tin uttovaren, unde ok dat sey met allen per-
sonen van wat wesen sey weren nicht kopen edder vorkopen mochten unde mer
ander punte, darop de Engelschen berath genomen hebben en antwert to seggen.
8. Item als de Engelschen des anderen dages wederquemen, do spreken sey
also, off desulven stede de hir gekomen weren also dat vorantwerden unde vor-
treden werden, so wes dat hir gehandelt unde besloten worde dat geholden solde
werden van der ganser hense wegen, unde begerden vort, dat men en in Schriften
overgeven solde, welke stede de hir to desser dagevart vorbodet weren unde
dewelke de gekomen weren unde ok deghenne de nicht gekomen en weren,
unde wolden de slechtes vor allen degedingen in Schriften hebben, er dan sey
enyge handel met en heben wolden. Dar sik de stede lange entegen setten
unde en dat nicht wolden in Schriften overgeven, doch int ende dat en de Engelschen
loveden, dat sey wol wolden dön unde geven sey en over in Schriften
timme des willen, alse sey by eren hern den konyngh quemen, dat sev seggen
mochten, tegen weme dat sey handelinge gehat hedden, unde dat en solde ney-
mande to schaden off to vorfange wesen, als den anderen*steden de hir vorbodet
weren unde nicht gekomen sin etc. Darop en de stede den Engelschen overgeven,
welke stede de to desser tiid tor dachvart hir vorbodet weren, unde ok
[in]« Schriften de hir gekomen weren unde ok de nicht gekomen en weren, wante
somyge stede sik des entschuldiget hedden met redeliker sake, dat sey nicht
komen en künden.
9. Item darna de Engelschen do spreken gelik als sey int erste gedan
hedden, dat sey in bevelinge eres hern konynges hedden, dat de wetten wolde,
wu vele unde wer degenne weren van den steden de in de hense behorden, wante
dat er her konyngh weten wolde, unde ok so wolden sey de in Schriften hebben.
Unde wert sake, dat men en de al nicht benomen en wolde dat men en doch
de herschope, under welke degenne weren de in Englant ere vorkerynge plegen
to hebben, [benome]d. Unde ok sprekende, nadem dat sey van der gantzer hense
wegen geyne vulle macht en hedden unde sik der nicht vorfangen en wolden, dat
men dat in en instrument setten solde de handelinge, nadem dat de stede
spreken, dat men dat tuschen den steden also nicht en plege to holden, wanner
dat sey togader quemen enyge machtbreve met sik to brengen sunder allene dat
in en recess to setten, darumme duchte en dat mogelik sin, dat men dat in en
instrument setten solde, dat sey alsolke gewonheit hedden. Hirop de stede wedder
antwerden, sey en wolden dar met nichte geyn instrument over gemäken hebben,
sunder wolden sey met en in ere handel gan, dat mochten sey don, unde sey
hedden en overgegeven de gebreke de de kopman in Engelant hedde, wolden sey
darop antworden, des weren sey begerende. Wert sake, dat se ok der macht
nicht en hedden of sik des nicht underwynden wolden, dat men dan dachte op
en ander wise unde wege, dat alle dinge in vruntschop bleve anstan unde dat
men op ene ander tiid togader mochte komen. Do spreken de Engelschen, dat
se in geynem bevele nicht en hedden ene ander dach[vart]e to vorramen, sunder
a) dat fehlt D. b) were D, c) de D. d) benome fehlt D.
e) dach. D.
') nVacht, vlies, rellus et globua lanae, coagmentum lanaeu Kilian.
48*
»
Digitized by Google