Vollständiger Band - Hansischer Geschichtsverein

Versammlung zu Halmst&d. — 1450 Mai. 455
de uns willekame beden van des koninges unde des rikes reder weghen to
Dannemarken unde dankeden uns in dersulven wise vor sodane arbeit, koste unde
teringhe, dat we umme [eres]* heren des koninghes willen anghenamen unde dan
hadden, unde seden, ere here unde de sinen wolden dat vordenen jeghen de van
RostÖk, Wismerschen unde de eren, wor [se]b konden unde mochten, dar we en
grot vor dankeden.
4. Item in unses heren hemmelvart daghe vro up den morghen vorbaden
uns 3 ridder van des rikes rades weghen to Dannemarken, also her Otte Nighel-
soen, her Egghert Vrille unde her Nisse Jonsson in enem staven unde dankeden
nns na alse [vor]® van eres heren'des koninghes weghen unde van erer weghen,
unde leten uns vorluden, wo se van eres heren konink Cristi[erns]d weghen
hadden ghedinghet mit des rikes rade van Sweden van konink Karls weghen
[unde]8 hadden in beiden siden annamet [ene]f end rächt unde enen steden ewighen
vrede in desser naschrevenen wise: 1. In dat erste so scholde dat rike Nor-
weghen bliven by der crone to Dannemarken mit allen den undersaten unde dar
seholde konink Karl nen schikkent edder boet mer aver hebben, unde dat hedden
en ghelavet 12 ute des rykes rade to Zweden, van erem heren konink Karl sodane
vorwaringhe unde breve to schikkende tusschen hir unde sunt Olaves daghe1;
weret dat it nicht en scheghe, so scholden de 12 inlegher holden to Helschen-
borch unde dar nicht ut to schedende, it en were des konink Cristierns unde
sines rades willen. — 2. Item umme Ghotlande unde andere schelinghe unde
ghebreke tusschen den beyden koninghen, dat scholde stan uppe recht van nu an wente
to sunt Johans babbetisten daghe vort aver dat ja r2, unde dar scholden der
beiden rike reder ener stede to ramen unde schedeslude to kesen mit endracht,
unde konink Karl de scholde up desulven tiid wesen to Kalmeren unde konink
Cristiern to Sulvesborch, umme sodane ghebreke unde Unwillen van en unde den
eren in beiden zyden ghansliken to vorlegghende. — 3. Hirup so scholde en
jewelk, de dar jeghenwardigh weren* up dem daghe, de sinen to hus ropen dat
ntligghers weren; unde dem de vrede so ghekundighet were unde jemende darna
wes nemen, den scholde me richten alse enen vredebreker. — 4. Item umme de
afwesenden, de dar nicht jeghenwardich weren, so wolden se van stunden an
breve unde baden utsenden, dat enem jowelken to vorku[n]dyghendeh, dat he sine
utligghers to hus repe. — 5. Item ofte dar nu gement so veme afgeleghen ofte
afgheseghelt were, deme dat so kort nicht konde to wetende werden, so scholde
dat stan wente to sunt Olaves daghe neghest kamende; unde we darna jeme[n]de*
wes neme, dar he mede begrepen worde, de scholde nene untschuldinge hebben,
men me scholde ene richten alse enen vredebreker.
5. Also bespreke we uns [unde]6 na besprake lete we den dren ridderen
segghen, dat se sik vorghan hadden under sik unde vrede ghemaket haden, dat
were uns lef und behaghede uns wol. Item dosulvest lete [we]k bidden de 3 ridder
vorghenomet, alseverne alse it en nicht to na en were, dat se uns des vredes
unde endracht, den se ghemaket hadden, wolden gheven ene averschrift, up dat
en jewelk [de]1 mochte to hus bringhen by sine oldesten. Dar spreken se umme
[unde]4 na besprake leten se uns segghen, se wolden dat gherne handelen mit
des rikes rade van Dannemarken unde wolden uns des en antworde benalen. Do
so en wart uns van en dar nen antwarde van.
a) eres fehlt JL
e) unde fehlt Ä.
h) TOrkndyghende R.
b) se fehlt R.
f) ene fehlt R.
i) jemode R.
*) Jul. 29. *) Bia 1451 Jun. 24,
c) vor fehlt R.
g) weren weren R .
*) we fehlt R.
d) Cristior8 R.
1) de fehlt R.
Digitized byGoogle