Vollständiger Band - Hansischer Geschichtsverein

380
Verhandlungen za Labeck. — 1449 Mrz.
sey wolden er bevel vorder anseyn unde des anderen dages en antwert to
geven etc.
10. Item des anderen dages darna quemen se weder unde spreken, dat sey
ere bevel hedden angeseen unde weren mechtich ene andere dagevart wedder
met en to vorramen, unde darumme wert sake, dat sik de stede des gans mech-
tigen wolden unde vorsekerunge don, dat de anderen hensestede de nu tor tiid
nicht tegenwerdich en weren, dat de to dersulven dachvart senden unde komen
wolden, wante weit sake dat ene andere daghvait beramet worde unde dat sey
alsdan als nu quemen sunder vulle macht so were dat gelik als nu; unde spreken
vort, dat sey hir aldus lange gelegen hedden in groter kost unde terung lange
tid unde en hedden nicht bedreven, unde als sey erst hir gekomen weren, do
hadden sey den rat van Lubeke gebeden, dat sey de hensestede hir vorbedea
wolden op lichtmiese, dar de van Lubeke to antwerden, de tiid were to kort, se
wolden sey vorboden laten den ersten dach van meite, dat leiten de Engelschen
to, dat se deme also don solden, nu hedden se hir gelegen tot hirto to groter kost
unde hir en were neymant met vuller macht gekomen gelik dat se hedden, unde
weren also bedrogen etc. Item hir op wart en wedder geantweit, dat de rath
van Lubeke unde ok de anderen stede dat nicht vor gud op en nemen unde in
harden worden wedder segeden, dat se nemande bedregen en hedden unde ok
ungerne neymande bedregen en wolden, unde en wisten en des geynen dank, dat
sey en alsolken tolegeden, wante sey gedan hedden na ere begerunge unde
hadden den steden gescreven hir to komen, unde nu se nicht gekomen en weren,
wat se darumme don solden, sey en weren ere heren nicht, dat sey aver se to
beiden hedden gelik de konyng unde ander heren over ere undersaten hedden.
Van dessen worden veilen von beiden siden vele groter wort unde ok met unsem
dottor tegen den Engelschen doctor, doch dat wart int ende in vruntschop en-
wech gelecht etc.
11. Item de Engelschen spreken do vort, se wolden handelinge met en
hebben nadem de stede nu geyne macht en hedden, so wolden se met en enen
anderen dach vorramen op gelike stede, unde dat sey dar sekerunge vor don
solden, dat de hensestede dar dan in vuller macht komen solden. Item hirop
de stede wedder antwerden, dat se gerne enes dages met en wolden ens werden
unde wolden ok gerne den steden den dach vorscreven, dar to komen, sunder en
sekerunge darvor to don, dat sey dar komen solden gewis, darvor en wolden sey
nicht loven; sunder des hern homesters sendeboden lovenden, worde en dach
vorramet, dat den de here homester met synen steden besenden solde, unde ok de
stede, de hir nu tegenwordicli weren, wolden dat to hus bringen unde en in 14
dagen en antwert laten seggen. Item hirop de Engelschen spreken, dat sey darop
enen dach met en vorramen wolden, dach op behach des hem ltonynges, unde de
solde dat vorscriven tuschen hir unde sunte Michel, off he den dach holden wolde
edder nicht.
12. Item hirop so wart vorhandelt ene dagevard to holden bynnen der stad
van Deventer unde dat sal geschein to sunte Johannis baptisten dach tokomende
over twe jar, unde bynnen desser tiid sollen de van der hense vrii in Engelant
komen unde keren op ere privileje; sunder de Engelschen spreken, wert sake
dat sik de Pruschen vorbunden wolden, dat de Engelschen in Prusen mochten
vrii komen unde kopen unde vorkopen met allen personen gelik sey in privilejeo
hedden, so solden de ut Prusen wedder also geholden werden in Engelant gelik
de andere hensestede, unde wert sake, dat des nicht geschein en mochte, so en
Digitized by G o o g l e