Vollständiger Band - Hansischer Geschichtsverein

Versammlung zu Wolmar. — 1449 Apr. 27. 395
schuldich sy.“ In krafft unde na lude desser vorgescreven cedelen helft her Jo-
han Bredeuschede entfangen van den van Woldemer 20 '/a tymmer lussen werk
swart, item 1000 rodes lussen Werkes, item 6Vs tymmer trogenisse, poppelen
ande schevenisse, item 4 tymmer lasten. Hirup heilt her Johan Bredenschede
den van Woldemer togesecht to gevende up Michaelis tokomende 42 / unde 6 ft,
der se noch to achter weren. Unde desse vorgescreven her Johan Bredenschede
heflft en vorder gelovet vor namaninge vor dat dat he van en entfangen helft,
so als vorgescreven steyt.
3. Item quam vor de stede Hans Kartiseru, dem de hove to Naugarden
vorboden weren, up dat he darmede beschuldiget was, dat he in vorboden tyden
Ihegen der stede ordinancie unde vorböt den Naugardera tovore solde gedan
hebben, unde brachte van her Karle Knfttessone eynen breiff, de en ichtwes ent-
schuldigede. Darupp seggeden eni de stede, wolde he sin recht darto don, dat
he anderst nene gudere tö der tyd to Wyborch gehatt hedde dan in her Karls
breve begrepen weren, unde dat he ok vor der tyd noch na der tyd den Nau-
gardern in vorboden tyden thegen der stede ordinancie unde vorbött jenige
gudere togefort hedde, des mochte he geneten. Dar vorboet he syck to unde de
eet wart em gestevent. Darmede ys eni der lieht vordreghen unde de hove sin
em wedder vorlovet; darvan ys em eyne cedele gegeven van nagescreven lude.
Folgt n. 518.
4. Item so quam vor de stede Diderik Hoep, de vorboden koppenschop to
Naugarden gedan hadde, darumme he to Ryghe in borgehant gedru[n]ghen* was,
dem seggeden de sendeboyden, syne borge solden in borghetueht bliven Stande so
lange dat de Russe to Naugarden betalet worde, up dat dat neymant beschedeget
worde. Aver unime syne broke, de grot were, solde he zyck myt dem rade to
Ryge von der stede wegen na genaden vordreghen, umme vrunde beyde unde ume
syner unwettenheyt willen, wolden se em des kopmans rechticheyt unde der
Dudesschen hove to Naugarden wedder vorloven. Darup ys em eyn breiff gegeven
van navolgenden lude. Folgt n. 519.
5. Vorder spreken de stede van dengennen, de sus buten ere recht soken,
unde ok van dengennen, de breive tegen der stede rechticheyt unde ordinancie
van butenluden erwerven, unde sin cyns geworden, dat eyn elk diit torugge
bringen sal, unde darvan tor negesten dachfart eyn antworde van intobringende,
wö men dannede hir negest varen solle, dat solk vormeden werde.
6. Item quemen vor de stede Arnd van der Heyde unde Hans Munstede
uiyt klacht unde wedderwort. Als syck de stede hirmede bekümmert hadden in
den anderen dach do wart en gesecht: leven vrunde, wy hebben uns bekümmert
myt juwen zaken beyde gesteren unde ok dalingk al den dach, unde so als gy
Arnd seggen, dat gy juwes wives nicht mechtieh sin, unde ok wol beroren van
eynem testamente dat juwe vorffar sulle gemaket hebben, welk testament uns
duncket dat hir nicht jegenwordich sy, so seggen jw de stede, dat Munstede dat
testament tor negesten dachfart bringe unde dat Arnd mit vullerb macht van
synem wyve dar ok kome, se hopen to Gode, dat ze dar myt vruntschop edder
myt recht in eren zaken gescheden sollen werden.
7. Item quemen vor [dejc stede desse vorgescreven Arnd van eyner siiden
unde Hinrick Schirman unde Hans Schonewalt van der anderen siiden, den wart
gesecht, nadem ere zake nicht klar beyde in klage unde anttworde vorgeven
weren, so seggen jw de stede, dat gii tor negesten dachfart komen mit klarer
a) gednighen R. wnller R. c) do fthU R.
50*
Digitized by ooQle