Vollständiger Band - Hansischer Geschichtsverein

1 8 6
Versammlung zu Lübeck. — 1447 Mai 18.
dat yd em zulke noet beneme, dat he to der tiid, alse de here dat esschede,
nicht komen en künde1.
42. Vortmer hebben de stede ghenszliken overeensgedragen, wente des noet
unde behuff is, de hense wedder to vornyende, also weret dat in jeniger hensestad
ere rad van eren borgheren worde unmechtich gemaket, so schal der stad nye
raed unwerdich wesen in rade der anderen stede van der hense to sittende, wente
so langhe dat se over erer borghere mechtich werden. Weret ok dat se darmede
erer borgere nicht konden mechtich werden, so schal de stad vorhenset werden
unde ere gud unde erer borgere schal men nemen unde richten na der hense
rechte. Unde veer stede der stad negest liggende scholen dat den ghemenen
steden vorkundigen unde ok deme copmanne, wor he steyt, dat se dat also vor-
volgen unde holden scholden, alse vorscreven is bii dersulven penen *.
43. Vortmer hebben de stede vorramet, dat nemant sprake leren scal in
Liifflande, he en sy in der hense begrepen. Ok schal nemant, de in der hense
nicht en is, in Lifflande syne copmanschupp vorsoken vurder den in den steden
bii der see belegen, unde schal nicht to lande wart an vorsoken, umme vlas edder
ander gud to kopende. Ok schal nemant buten der hense wesende anders copslagen
in dorperen unde klenen steden bii vorlust des gudes deme kopere unde
vorkopere 3.
44. Vortmer* offt jenige stad van der hense myt euer anderen to Unwillen
queme, so scholen dree der anderen negesten stede den steden belegen darto
arbeyden, dat se se vligen in rechte edder fruntscopp, unde den scholen se des
ok hören, unde nen stad der hense schal der anderen jenighe landesheren over
dat hovet theen; weret ok dat se van den steden bii en belegen yo nicht en-
vleghenb künden werden, so schal dat stan beth to der ersten dachvart dat de
stede tosamende komen, unde de scholden se denne in rechte edder fruntschopp
vorscheden. Weret dat welke stad hir entjegen dede, de scholden den anderen
steden dat vorboten myt hundert lodigen marken sulvers.
45. Item hebben de stede vorramet, dat nemant olderman des copmans
wesen schal tom Mellebogen edder anders wor dar de copman alderlude hefft, he
en sy borgher in ener hensestad. Unde de schal ok nemande vordegedingen offte
beschermen myt des copmans rechte, he en sy borger in ener hensestad. Weret
ok dat yemant de borger were in ener hensestad in den vorscrevenen jeghenen
to schickende hadde unde siik uth des copmans rechte gheve in en ander recht,
de schal darna nicht lenger borger bliven in der stad dar he tovoren borger
ynne was4.
46. Vortmer en schal me nen korn schepen dorch den Ortsund edder dorch
den Belt noch uth der Elve edder uth der Weser anders den uth den hense-
steden. Welker schipper dar entjegen dede, den schal men in nener hensestad
mer laden noch vorvrachten, unde welk copman in der hense begrepen dat breke,
de schal dat gud vorloren hebben. Breke ok we de in de hense nicht behorde,
de schal na der tiid nene vorhandelinge noch vorkeringe hebben in den hense-
steden noch nemant myt em, de in de hense behort5.
47. Vortmer* schal me nemande in der hense edder myt des copmans rechte
vordegedingen, he en sy borgher in ener hensestad unde de schal ok borgerrecht
don in der stad dar he borger ys; unde offt em de copman des nicht beloven
&) Nota tone bemerkt in Df eine andere Hand hierzu a. R.
c) 9 47 fehlt D f; in D2 fthUn SS 47-65.
!) Vgl. HR. 2 n. 608 § 27.
*) Vgl. § *7; HR. 1 n. 321 § 35.
b) entvleghen Df.
*) Vgl. § 50. *) Vgl. HR. 1 *». 321 § 34.
s) R. v. 1418, Korner a. a. O. § 13.
D igitized by Google