Vollständiger Band - Hansischer Geschichtsverein

388
Verhandlungen zu Lübeck. — 1449 Mrz.
gebeidiger dat segel unverwan[de]lta to syne sweren solde, unde dat dat privilegium
to Deventer recht off unrechtverdich irkant solde werden: alle desse vorgescreven
artikel wille sey gerne an des hern homesters genade bringen, so se bequemest
mögen. Unde weren vort begerende, dat sey wol wolden don unde brengen unde
bidden den heren konyng, dat syne gnade des hem homestei's genade undersaten
holden unde laten wolde desse twe jar gelik andere koplude van der hanse, unde
ok dat solke rostemente geschein op des hem homesters undersaten mochten af-
gedan werden, unde ok dat syne konyoklike gnade vorwaren unde bestellen wolde
laten, dat des hem homestei's undersaten also jamerliken van des hem konynges
undersaten [nicht]b vormordet, over bort geworpen unde schep unde gud |genomenf
worden, alse] in dessen vorgeleden twen jaren geschein were, dat dar wedder-
kerunge uns geschein mochte, unde dat ok also bestellen, dat nicht mer gedan
en worde, umme [dat]d de olde vmntschop, de lange gestan hevet [nicht]b to-
broken en worde. Item dar de Engelschen sendeboden to antwerden, dat sey
dat gerne an eren koningh brengen wolden, so sey getruwelikest mochten.
25. Item darna des hem homesters sendeboden van en scheden wolden unde
seggeden, dat se van dem rade van Lubeke en recess hedden, wu dat sik de
sake hir vorlopen hedden, ok hedde wii wol vornomen, dat sey desgeliken ok en
reces hedden. Dar sey to antwarden, sey hedden en reces sunder sey en künden
des nicht gelesen unde en wolden des ok nicht opnemen, dat en solde vor*
segelt sin under der stat Lubeke ingesegel unde desgeliken under des hem homestei's
sendeboden ingesegel, unde se wolden dan twe utgesnedene indenture
maken, der wolden sey ok dan enen vorsegelen under eren segelen. Item dar
ok by sprekende, se wolden uns ok ene copie van der privileje medegeven, dat
wii de dem hem homester brengen solden, unde weil sake, dat eme de gelevede to
besegelen unde de alsdan vorsegelt to senden in Engelant an den kopman edder
an enen of mer gude vrunde, so wolden sey dat also bestellen met dem heren
konynge, dat de olde privileje vorsegelt solde gesant werden an den hem homester
, umme to besein dat se rechtverdich gefunden solde werden. Item op dit
artikel geantwert wart, dat wii dat glierne met samt den anderen artikelen an
unsen hern homester brengen wolden. Item op den anderen artikel wart geantwert,
als van des recesses wegen, wu dat sey wol vornomen hedden van den
van Lubeke unde vort van den anderen hensesteden, dat hir nicht gewonelik en
were recesse to vorsegelen, sunder en juwelik de neme sin recess medde to hus
unde vorder en plege men dat nicht to vorsegelen, doch wert sake dat de van
Lubeke dat vorsegelen wolden unde dat wii dat van en irvaren künden, wii
worden lichte also beraden unde vorsegelden dat mede.
26. Do genge wii to dem rade van Lubeke unde geven en desse sake als
de Engelschen begerende weren to Vorstände, off sey dat ok vorsegelen wolden
edder nicht. Do antwerden uns de rath van Lubeke, dat se dat nicht vorsegelen
en wolden unde en wolden mit en gejn nyge dink vorder maken dan van olders
gewonelik were, wolden sey dat recess met sik nemen, dat mochten sey don off
laten, wu on »lat bequeme were. Also en duehte uns ok nicht geraden, dat wii
sunderlinge vorsegelinge met en maken solden, nadem dat de hensestede in dessen
saken unde materien ungescheden sin willeu, unde ok de Engelschen vele uier
ander dinges utgeset hebben, dat sey begerende weren to vorsegelen, dan dat
recess inneholt.
a) unvorwaiilt I). b) nicht ft lilt D. c) genoiuen — also (M l l>.
d) dat /M t l).
Digitized by G o o g l e