Vollständiger Band - Hansischer Geschichtsverein

412
Versammlung zu Bremen. — 1449 Jul. 25.
Engelant, de to der vorscrevenen dachvart bynnen Bremen kamende werden,
schollen myt vuller macht to dersulven dachvart kamen, umme to slutende unde
to sprekende, wo men siik umme sodane kost* unde theringe, also de van Lubeke,
Hamborgh unde Dantziik int jar 37 in Engelant dorch dessulven copmans wyllen
ghedan, schal hebben unde holden.
6. Item hebben de vorscrevenen sendebaden der stede van der hanse nach
vorghevinge des copmans sendebaden to Bruge unde verantwerdinge der van
Colne ensgedregen unde aifgesecht, dat de copman van Colne van sinen guderen,
de he in Flanderen unde anderen plaetsen unde gebeden des heren hertoghen
van Burgundien hanteret, schoet geven schal geliik anderen copmannen van der
hanse, alse dat is ingesettet unde sloten; mach siik aver de copman van Colne
sodanes schotes myt Privilegien unde vrigheiden erweren, de schal desulve copman
van Colne uppe de vorscreven dachvart to Bremen denne vurder darin to
sprekende Vorbringen unde entoghen“.
7. Item was vor den sendebaden der stede van der hense der erbare mester
Hinrik van der Mye, doctor in beyden rechten, sendebade des heren hertoghen van
Burgundien, wervende van dessulven heren hertoghen weghene uppe sine creden-
cien, na fruntliker grate, dat de. stede van der hense Engelsche lakene in ere
stede unde erer stede jurisdictien unde gebede to bringende vorbeden wolden;
unde were dat de stede van der hense ere sendebaden by sine gnade senden
wolden, wormede he en wedderumme wyllen unde gunst bewysen mochte, darane
wolde siik sine gnade gutliken laten vynden. Hirupp de vorscrevenen sendebaden
der stede antwerdeub, dat se ere drepliken sendebadenb, alse se erst mochten,
an den heren hertoghen to Burghundien senden wolden, de myt sinen gnaden
vurdere handelinge darvan hebben scolden, unde wormede se eme denst, behege-
licheyt unde wyllen bewysen konden, dar scolde sine gnade se alle weghe gut-
wyllich ane vynden.
8. Item hebben de vorscrevenen stede sendebaden vorramet unde gesloten,
dat de rat van Lubeke schal scriven, schikken unde ordineren by den alderluden
unde copmanne to Berghen, dat se den van Deventer unde anderen steden van der
hense gunnen, dat se ere gudere mögen schepen in schepe buten der hensze to
hus behorende, unde dat de artikel in deine recesse tor latesten dachvart to
Lubeke geholden van desser materien rorende1 sunder vorvangk blive bii siik
sulvest Stande bette to der negesten dachvart, de men to Bremen, so vorgerort
is, holden schal, dar denne vorder in to sprekende so des is behoeff unde van
noden. Ok is deme ersamen her Jacobe Bramsteden alsulken medegedan, dat
vort an den ersamen rat to Lubeke vort to stellende. Unde sodane borghen,
alse der van Deventer borghere deme copmanne to Berghen gesät hebben, scolen
der borghetucht quit, leddich unde losz wesen.
9. Vortmer* alse nu jegenwardichliken mer den in vorledenen tiden grot
averval den steden scbuet van den wertliken heren unde forsten, so dat apenbar
vor oghen is, hiramme hebben de vorscrevenen sendebaden umme eneme sodanen
weddertostande dupplike handelinge gehat unde geslaten, dat een itlik van en sodanen
artikel toraghe by sine oldesten bringhen schal, umme beraet unde aver-
trachtinge darupp to hebbende, unde to der negesten dachvart, de men to Bremen
so vorscreven is holden schal, uterliken to slutende,
a) De schoto; isto punctus ost gravis; item est considerandum, quod isti non fuerunt constHuti judicaf *4
hoc faciendum. K 1 a. R. b) autwerdon — sendobadtm fthtt D. c) § 9 fehlt D
K 2 —5: in K 1