Vollständiger Band - Hansischer Geschichtsverein

508
Versammlung zu Lübeck. — 1450 Sept. 21.
heben das pirlament, unser über here Got gebe das is gut werde. Und Londen
hot sich nu al gassen gefestent mit iseren keten, wen di hem synt is noch nicht
eyns und di stat hot sorge vor eyn oflof. Und man saget hir, das der here von
Jork mir den mit 40000 man kumpt in Londen und der von Nortfolg herczog bi
den von Jork kumpt ouch mir den mit 20000 man; so sagit man das der groffe
von Defynczir mir den mit 20000 man bi den von Jork ouch kumpt. So ist der
forste von Exister, syn grossemuter was konig Hynrik des virden swestir, deses
hern koniges grosfatir, sunder her hot des hem fürsten von Jorkis tachtir; so
kompt ouch der aide groffe von Salisberg mit grossem volke, und der von Erndeil
der groffe mit grossem volke, und den, des hern von Salisberg son, der hot ge-
nomen des fromen fürsten von Warewig swestir, dovon ist her groffe zcu Warewig,
und so kump[t]4 ouch der groffe von Northummerlant mit grossem volke, und di
synt al geneykent dem von Jork und al gemeyne dorczu. Of di andir seite der
herczog czu Bokingam und der von Summerseit und sost andir mit dem hern
konige. Ich dar nicht mir schriben, sunder unser herre Got gebe, das iß gut
werde, ich besorge mich, sy synt is noch nicht wol eyns, is sal noch blutige koppe
machen. Ich wil is hir noch eyn wile irbeiten und wi is blibit euwira irwirdigen
genoden schriben. Wir junchern, myns seligen heren von Gloczisters dyner, wir
mögen nu wedir vorkomen, nu myn here herczog von Jork in das land zcu
Engeland gekomen ist; ich hoffe do mögen, ap Got wil, nu in desem pirlament
dorch den getrouwen fürsten van Jork di diesteln aus dem guden getreide geroft
werden, wen von erem rote ist in 4 jora 4 from fürsten zcum tode komen, als
myns hern koniges vatir elicher bruder, der furste von Gloczister, der from fürste
von Sommerseit, der forste von Existir, dis jungen hem vatir, und der getreuwe
from furste von Warewig, dis hoffe [ich]b wil Got rechen und hot dorum iczczent
dis land swerlich gephlogit. Hirum allirgenedigister here mag is euwira genoden
nicht wundir han, das euwira genoden undirsossen und andir farende leute so hir
in Engeland beschedigit synt, wen sulche from hern und al so no von dem hern
konige zcu blute von königlichem stamme geborn synt dorch solchir valschir rot-
gebir gestorben*. Und ouch ist is dem hem hern konige nicht zcu vorwisen, wen
is ist eyn jungir unforsuchter here, und man heit in in hüte als eyn carthusir,
ich hoffe, ap Got wil, in desem gespreche sal al ding wedir in sosse gesaczt
werden, wi is blibet sal ich euwira genoden dar schriben. Item genediger über
here, so hand di sendeboten des hern koniges zcu Engeland gistern is ir bothe
komen mit briffen an den hem koning, so das si schriben, das noch meyns hern
konigis leute eyn teil noch in Lubeke im thorm sitczen und si ouch han must
swern und geloben, von dor nicht zcu zcyn is sey mit der stete wille. So han
si ouch mit en gesprochitd, wi das si of dese czeit mit in wolden han di sache
gehandilt, dorum si myn here koning hat usgesand, und di stete wolden is nicht
thun; si hatten gesagit, si wem nicht geschigket dorczu, sunder si sprochen, si
wolden eyn andirn tag vorromen im meye, wolde dor der herre koning zcu
grantiren, das segen si gerne, und han mym hem koninge in 4 steten gege[be]n*
zcu kysen, gzu Lubeke, Bremen, czu Defynter und zcu Uutrecht. So han ich vor*
nomen durch den erwirdigen hern cancziler dorch den hern Cardinal, das si ge-
kora han czu Uutrecht und wollen dor di tagefart besenden of den meye. Das
mag nu genediger liber here euwira erwirdigen genoden betrachten mit euwira genoden
gebitiger, prelaten, landen und steten, zcu was schaden nu euwir genoden
und euwira genoden undirsossen dorch das nemen komen. In das irste, das euwir
a) Vamp K. b) ich fehlt K. c) synt gestorben üf. d) »kt
e) gegen K.
Digitized by ooQle