Vollständiger Band - Hansischer Geschichtsverein

Verhandlungen zu Lübeck. — 1449 Mrz. 375
1. De sendeboden uth Engelant uppe ere coramissien unde machtbreff be-
gherden int erste, dat me wolde laten lesen sodanne composicie unde endracht,
alse int jav 36 by dem heren koning van Engelant unde den hensesteden to
Landen in Engelant wart gemaket. Derne also beschach. Unde darna vrageden
de sendeboden uth Engelant, efft de stede de ok wolden holden, darup en wart
geantwert, dat de here koning unde de syne in Engelant sodanne composicien
nicht hadden geholden, wanner de stede worden vorsekeret, dat se de wolden
holden, so wolden de stede darumme spreken unde don in der mate, dat se nen
unghelik van der wegen wolden hebben.
2. Item wolden se ok weten, we de hensestede weren, alle by namen, dat
en gutlik wart vorlecht.
3. Item wolden se weten de gebreke unde in wat articulen de Engelschen
sodanne composicien nicht hadden geholden, de en de stede overgheven in schriffte.
Unde de wolden se by eren heren koning bringen.
4. Item wolden se hebben in schlifft al de stede, de to der dachfart vor-
screven weren vorbodet, unde we de stede weren, de tor dachvart weren ge-
komen, unde we de stede weren, de siik hadden entschuldiget. Unde dyt wolden
se weten, er se wolden vurder degedinge holden. Hirup myt den steden dupliken
wart gesproken unde int lateste en sodanne schrifft ward overghegeven.
5. Item wolden se weten, efft de stede dar jegenwardich ok hadden vul-
kamene machtbreve van eren rederen myt en to deghedingende, darupp wart
geantwert nen, unde wo yd were ene wonheyt by den hensesteden, dat men eren
sendeboden gheve muntlike macht by de stede to körnende unde myt den hensesteden
to handelende. Hirupp wolden de Engelschen sendeboden hebben tuch-
nisse unde en instrument, dat wy gesecht hadden wo id were ene wonheyt, des
en de stede nicht wolden gheven.
6. Item wart gelesen sodanne breff alse koning Karol an de van Lubeke
helft gescreven, unde ok wart dar in gesproken, alse van der besendinge by
koning Karel to Galmeren 4 weken na paschen1 negest körnende. .
7. Item wart dar ok gehandelet van der zegelacien, de dale to leggende
umme desser twier koninge willen, sunderges wo koning Cristierne myt synen
hulperen mechtich willen maken in de see. Darupp wart gesloten, dat de zegö-
lacie sal open bliven wente to sunte Jurgens dage2 negest körnende unde darna
seal eyn iderman de syne to hus beholden, wente wahner se deme copmanne nichtes
konen nemen, so scholen se des ringhe mßde werden. Ok worden de stede des
eens, dat me nymande uth eren havenen myt schepen unde luden edder harnsch
sal Sterken 3.
8. Item wante denne de sendeboden uth Engelant unde de here koning dar-
mede ummegan, dat se de uth Prussen bii eren Privilegien in deme riike nicht
willen beholden men de stede unde den mester underenander scheden: hirupp is
den sendeboden uth Prussen van den steden ghesecht, dat de van der hense den
mester nicht willen vorlaten, unde [nicht]“ willen wesen uthgescheden. Unde de
sendeboden uth Prussen weren begherende, weret dat de copman van Prussen
scolde des riikes entberen, dat denne ok de anderen stede dat riike rumeden,
nachdem se nicht wolden wesen gescheden. Darupp en wart gesecht, dat dat
stunde went tor dachvart to Bremen nagescreven.
a) nicht fehlt W.
*) Mai 11. *) Apr. 23; bis zu diesem Tage wollten die Verbündeten von
Wüsnack sich gerüstet haben, um gemeinsam gegen Schweden zu Felde zu ziehen. Vgl. S.
368 Anm. 1. ») Vgl. n. 521.
Digitized by v ^ o o Q i e