Vollständiger Band - Hansischer Geschichtsverein

158 Versammlungen der sächsischen Städte. — 1446.
Na der bord Crysty unses heren 1446 jare des mandaghes vor sancte Mychels
daghe wart van den ersamen reden unde radessendeboden der stede nabescreven
twisöchen den ersamen Hennen Dornthen, Bartolde Swartekoppe, Jan van Seide
van des rades wegen unde der stad unde user leven fruwen broderschup wegen
to Gosler up eyne unde Hinreke van Alvelde, ichteswanne or börmesster dar-
sulves, up ander syden umme sodene schel unde twydracht unde Unwillen, alse
twisschen one an beyden sziden uperstan weren, fruntliken besproken unde be-
dedinget, so dat se alle sake ores Unwillen unde schels van sek ghesat unde gestalt
hebben an de ersamen rede der stede Magdeborch unde Gottingen, alse ore
gekorne unde gewillekorde rychter unde entschedere, unde eft des to donde
worde an den ersamen rad der stad to Emeke alse overschedeslude. Unde by
den dersulven orer sake se in rechte darover to schedene gensliken gebleven sin
in dis8er wyse, dat eyn jowelk desser vorbenomeden parte schal sine ansprake,
schulde unde rechtycheit, de he tygen den anderen meynet to hebbende in scryf-
ten twevolt overgeven den reden der vorgescreven stede Magdeborch unde Gottingen
binnen ver weken na sunte Dionisii daghe erst tokomende negest to comen,
unde desulven rede scholden denne eynes jowelken partes schulde dem anderen
schicken so se ersten mochten, unde de scholde denne darna binnen ver weken
sin antworde darentygen ok in scryften densulven reden twevolt weder unde overgeven
unde so scholden denne desulven rede hebben achte weken de vorscreven
parte in rechte to erscheden. Unde weret, dat desulven rede der schedinge nicht
eyn en worden konden sunder twiferdighe schedinge deden. so scholden se alsulke
schedinge myt schulden und antworden schicken an den vorgescreven rad to Emeke,
de denne hebben scholden ver weken myt eyner der rechtschedinge totovallende;
unde wes van den vorgescreven reden na vorberorder wyse in rechte erkant
unde gescheden wörde, dar scholde sek eyn jowelk part ane ghenogen laten unde
dem so vuldon, unde dat scholde eyn jowelk part dem anderen also nochaftyghen
vorwissen myt ver besetenen borgeren der stede driger vorbenoinet edder Brunswik,
Hildensem, Halverstad, Quedlingeborch, Asschersleve vor sancte, Dionisii dage vorgescreven.
Unde hirup scholde de rad van Gosler schicken, dat sodene vestinge,
dar de erbenomede Hinrik van Alvelde in orer stad in gebracht ist, affgedan
worde van stunt waner soden vorberorde wissenheit gescheyn were, unde darmede
denne scholde alle Unwille schel unde twidracht, de van sodenen vorberorden
saken twisschen den vorgerorden parten upgestan were, gensliken unde al bigelecht
unde gerychted sin. Doch hedde de erbenomede Hinrek van Alvelde to beschul-
degende ore borger edder entelen personen binnen Gosler umme penning schulde
edder hedden se edder orer welk penning schulde tygen one, de mochten se
orer eyn jowelk tygen den anderen erforderen, wur unde so sek dorch recht gehört.
Unde w eret, dat Hinrek erbenompt sodene godere, alse he binnen Gosler
heft, darsulves sliten efte van dennen bringen wolde, so scholde he borgen setten
darsulves rechtes to plegen umme penning schulde, so alse der to Gosler recht
unde wonheit is. Desse vorgescreven dedinge hebben twisschen den vorbenomden
parten besproken unde vorhandelt de ersamen Gerke Keller, Hans van Schar,
Hinrek Muller, der stat to Meyborch, unde Albrecht van Vechtelde, Vrycke
Tweydorp der stad to Brunswik radessendeboden, unde de rad to Halverstad, unde
Werner Schare unde Henning Pekfelt der stad to Quedelingeborch, unde Diderek
Herberge unde Köne Köchen, der stad to Asschersleven radessendeboden. Unde
de vorbenomden parte hebben disse dedinge also angenamet, darinne gevulbordet
unde orer eyn dem anderen tosecht, den also natocomende, de to holdende unde
de vultodonde, so vele ome des anlanggene is. Unde hebben des samtliken ger
Digitized by G o o g l e