Vollständiger Band - Hansischer Geschichtsverein

Versammlung zu Lübeck. — 1450 Nov. 25. 515
Recess-
676. Münzrecess zu Lübeck. — 1450 Nov. 25.
StA Hamburg, Abschrift9 seit 1842 nicht mehr vorhanden.
Oedruckt; darau* Grautoff, Hist Schriften 3 S. 232, wonach hier.
Witlic sy, dat in deme jare als men scref na der bort Cristi verteinhundert
vefftich up sunte Katherinen dach der hilgen junckfrowen *hebben de ghedepu-
terden van deme rade to Lubeke, nameliken: heren Wilhelmi van Calven, Johan
Luneborg, borgermesteren, Jacob Bramstede unde Bertold Witick, radmanne, von
weghen des rades to Lubeke unde des rades to ter Wismer, des de van Lubeke
inechtich weren, so ze seden; van Hamborgh heren Dethlof Bremer, borgermester,
Ludeke Struve, radman unde [Johan* Nyendorp], secretarius; van Luneborch heren
Hartwich Schomaker unde Dethmer Semmelbeck, dorch erer veer stede borg-
here, inwonere unde des ghemenen besten willen up -de munte desser ver stede
vorramet unde anghespraken desse articule nascreven.
1. Int erste dat men in dessen ver steden nynerleie sulvergheld schal in
betalinghe nemen unde uthgeven sunder allenen desser ver stede munte by vorlust
des gheldes.
2. Item schal men vorbeden, dat men in dessen steden de mark lodighes
sulvers nicht durer den neghen Lubisch mark schal kopen noch vorkopen by
vorlust des sulvers.
3. Item dat nimend schal sulver weghen, dat de ene copman deme anderen
vorkoft, sunder de sworne wegher unde den de redere van den steden .darto
schicken, bi vorlust des sulvers.
4. Item dat men ninerleie ballium noch sulver ut dessen ver steden vore,
ane ut der enen van dessen ver stede in de anderen, by vorlust des balliuns
edder sulvers.
5. Item oft jemend vromet gheld up desser veer stede munte gheslaghen,
in desse stede brachte unsseme penninghe to vorvanghe, dat men den richte na
rechte.
6. Item dat niment desser ver stede penninghe de swaresten utwippe, ut-
schete edder vorberne by vorlust der ere unde inwoninghe desser ver stede.
7. Item dat men vorbede, dat in dessen steden nyn gholt in betalinghe
ghan schole men de Lubesche gülden vor 27 ß, de Rinsche gülden vor 21 ß unde
de nobele na erem werde, unde dat ok niment, borger, ghast, man vrowe name,
ok niment van erer weghen, de Lubesche unde Rinsche ghulden durer kope edder
vorkope. Breke dat ein borger edder borghersche, de schal desser stede ein jar
unde de ghast twe jar langk entberen.
8. Item dat nimant in dessen ver steden, noch borger edder ghast, by
golde copslaghe men allenen bi Lubeschen marken.
9. Item to bedende, we deme anderen in dessen veer steden boven 20 mark
is schuldich unde wil betalen, dat de de twe penninghe in gholde edder grove
ghelde unde den dorden in halen penninghe utgeve unde betale.
10. Item dat nyn gholtsmit mer sulvers kope men alse he behovet to sinen
arbeide, unde dat he nyn profit mer an deme sulvere soke to vorkopende un-
vonnaket. Ok schal nyn gholtsmit desser ver stede munte vorbernen noch vor-
bemen laten by vorlust desser ver stede woninghe. Unde up wene wes wanet,
de dit nicht schole holden hebben, de schal dat vorrichten vor deme rade, dar
dat scheghe, dat he id so [holden]b hebbe, wo vaken men dat van eme eschet.
>) jonig! Orautoff. b) so scholen hebben Gr.
65*
Digitized by ooQle